நாச்சிகுளம் மில்லிணியம் மெட்ரிகுலேசன் பள்ளி ஆண்டு விழா

Nachikulam News Mar18  3:13PM
நாளைய தினம் 19/3/2016 சனிக்கிழமையன்று
நாச்சிகுளம் மில்லிணியம் மெட்ரிகுலேசன் பள்ளி ஆண்டு விழா சிறப்பான முறையில் நடைபெற உள்ளன காலை 9 மணியளவில் பள்ளி மாணவ மாணவிகள் பங்குகொண்ட  அணிகளின் கொடிகளை ஏற்றுவதோடு தொடங்கும் நிகழ்ச்சிகள்

 பள்ளி  மாணவ மாணவிகளுக்கான விளையாட்டு போட்டிகளும் 
பள்ளியின் ஆசிரியைகளுக்கான விளையாட்டு போட்டிகளும்  பெற்றோர்களுக்கான விளையாட்டு போட்டிகளும் நடைபெற உள்ளன 

அதனை தொடர்ந்து வெற்றி பெற்றவர்களுக்கு பரிசு வழங்குதலும் பள்ளி  மாணவ மாணவிகள் பங்கு பெறும் கலாச்சார  கலைவிழா நிகழ்ச்சியும் நடைபெற இருக்கின்றன 

இந்நிகழ்ச்சியில் சிறப்பு விருந்தினராக மாவட்ட முன்சிப் நீதிபதி மேதகு, திருமதி.M.மஹாலட்சுமி  B.A., B.L., அவர்கள் கலந்து கொண்டு சிறப்பிக்க உள்ளார்கள் அணைவரும் வருக வருக என்று
அழைத்து மகிழ்வது
பள்ளி மாணவ மணவிகள்
ஆசிரியை பெருமக்கள் மற்றும்
பள்ளி நிர்வாகம்
மில்லிணியம் 
மெட்ரிகுலேசன் பள்ளி
நாச்சிகுளம்


நாச்சிகுளம் செய்திகள்

#ஒரு_வரலாறு_உருவாகிறது.! (மஜக பொதுச் செயலாளர் M.தமிமுன் அன்சாரி கடிதம்)

பேரன்புக்குரிய மனிதநேய சொந்தங்களே ..
ஏக இறைவனின் அமைதியும் , சமாதானமும் உரித்தாகுக !

உயிருக்குயிரான உங்களுக்கு ஒரு மடல் எழுத வேண்டும் என்று பல நாட்களாக முயன்று , அது இன்று தான் சாத்தியமாகியிருக்கிறது . 

கடுமையான மன அழுத்தங்கள் , ஓய்வற்ற பயணங்கள் , இடைவிடாத அலைப்பேசி அழைப்புகள் , தொடர்ந்து நிகழும் மக்கள் சந்திப்புகள் என தினமும் இயங்க வேண்டியிருக்கிறது . 

அவற்றுக்கு மத்தியில் தான் ஒரு நள்ளிரவில் இம்மடலை வரைகிறேன் . உங்களோடு பேசும்போதும் , உங்களுக்காக உழைக்கும் போதும் , உங்களுக்காக எழுதும் போதும் மனமும் ,உடலும் சோர்விலிருந்து விடுபட்டு சிறகு முளைத்த மகிழ்ச்சியில் குதூகலிக்கிறது என்பதே உண்மை . 

#சொந்தங்களே…!

கடந்த அக்டோபர் 6 - 2015 தொடங்கி நாம் நடத்தி வந்த உட்கட்சி ஜனநாயகத்திற்கான போராட்டம் கடந்த பிப்ரவரி 25 – 2016 அன்றுடன் ஒரு முடிவுக்கு வந்துவிட்டது .  

எத்தனையோ உண்மைகளும் , நியாயங்களும் புதைக்கப்படலாம் . ஆனால் நியாய தீர்ப்பு நாளில் இறைவனுக்கு முன்னால் அவற்றை நாம் முன்னிறுத்துவோம் . இந்த 4½ மாதங்களில் வன்முறைகள் , அவதூறுகள் , அராஜகங்கள்  ஆகியவற்றை துணிச்சலோடு எதிர்கொண்டோம் . நெருப்பாற்றில் எதிர்நீச்சல் அடித்தோம் . இப்போது புதிய பாதை ; புதிய பயணம் என்ற முழக்கத்தோடு புறப்பட்டிருக்கிறோம் .

இறையருளால் கடந்த பிப்ரவரி 28 – 2016 அன்று நாம் மனிதநேய ஜனநாயக கட்சியை கும்பகோணத்தில் தொடங்கி , அன்று இரவே அய்யம்பேட்டையில் எழுச்சியுடன் நடைபெற்ற பொதுக்கூட்டத்தில் கட்சிக் கொடியை அறிமுகம் செய்து சிறுத்தையின் வேகத்தோடு பயணத்தை தொடங்கிவிட்டோம் .

கொந்தளிப்பான கடல்தான் மிகச்சிறந்த மாலுமிகளை உருவாக்கும் . அடக்குமுறைகளில்தான் புரட்சிகள் உருவாகும் .

ஆம் ! நாம் சந்தித்த நெருக்கடிகள் தான் இன்று புதிய பாதையில் புதிய பயணத்தை திசைக்காட்டியிருக்கிறது . 

#சொந்தங்களே…! 

தார்குச்சிகளால் நீல வானத்தை கிழித்துவிட முடியாது . உமிழ் நீரால் எரிமலையை அணைத்துவிட முடியாது . அதுபோலவே துரோகங்களாலும் , அவதூறுகளாலும் நம்மை அழித்துவிட முடியாது என்பதை இறையருளால் நிரூபித்திருக்கிறோம் . 

இதோ … ஊரெங்கும் பேரெழுச்சியை பார்க்கிறோம் . கருப்பு , வெள்ளை , மற்றும் கருஞ்சிவப்பில் நட்சத்திரம் பொறித்த நம் கொடியை ஊர்வலமாய் முன்னெடுத்துச் செல்லும் ஜனநாயகப் போராளிகளின் தீரச்செயல்களை மெய்சிலிர்ப்போடு பார்க்கிறோம் .!

ஒரு வசந்தத்தின் இடி முழக்கமாய் ; மாபெரும் மறுமலர்ச்சியின் முன்னோட்டமாய் ; மஜகவின் பயணத்தை மக்கள் வரவேற்கிறார்கள் .

கட்சியின் பெயரும் , கொடியும் ஒரே நாளில் அறிவிக்கப்பட்டு எழுச்சிமிகு அய்யம்பேட்டை பொதுக் கூட்டத்தில் அறிமுகம் செய்யப்பட்டதும் நமது சொந்தங்கள் 24 மணி நேரத்தில் சமூக இணையதளங்கள் வழியாக அதை உலகமெங்கும் கொண்டு சேர்த்த சாதனை அளப்பரியதாகும் . 

அடுத்த நாளே மோட்டார் பைக்குகளில் ஸ்டிக்கர் கொடிகள் ஒட்டப்பட்டன . கார்களில் கொடிகள் பறந்தது . கம்பங்களில் கொடிகள் ஏறின . போர் வீரர்களைப் போல மனிதநேய சொந்தங்கள் கொடியை அறிமுகப்படுத்திய வேகம் இதுவரை தமிழகம் கண்டிராத சான்றாகும் . 

ஒரு நாடு விடுதலையடைந்தால் , அம்மக்கள் எப்படி கொண்டாடுவார்களோ ; குதூகலிப்பார்களோ ; அதுபோல நமது கொடியை ஏற்றிப் போற்றினார்கள் என்றால் அது மிகையாகாது . 

நமது கட்சியை நோக்கி அலை , அலையாய் திரண்டு வரும் மாணவர்களையும் , இளைஞர்களையும் மட்டுமல்ல எக்கட்சியை சாராத பொதுமக்களும் , புதியவர்களும் பெரும் நம்பிக்கையோடு இணைவதையும் யாராலும் தடுக்க முடியவில்லை . 

ஈர்ப்புமிக்க துடிப்பான தலைமை தங்களுக்கு கிடைத்திருப்பதாக அவர்கள் கருதி ஓடிவருகிறார்கள் . பாலைவனத்தில் நிழல்தேடி அலைந்த பயணிகளைப் போல, நம்மை தேடி வருகிறார்கள் . 
  
நமக்கு பெரும் ஆச்சர்யம் என்னவெனில் , 15 வயது சிறியவர்களிடம் கூட நமது கட்சி ஏற்படுத்தியிருக்கும் அரசியல் தாக்கமாகும் . அவர்களெல்லாம் நமக்கு ’வாட்ஸ் அப்’ மூலம் அனுப்பும் செய்திகளும் , நம்மோடு உரையாட வேண்டும் ; புகைப்படம் எடுக்க வேண்டும் என்று காட்டும் ஆர்வமும் நமக்கு பெரும் நம்பிக்கையை ஏற்படுத்தியிருக்கிறது .

15 முதல் 35 வயதுக்குட்பட்ட மாணவர்களிடமும் , இளைஞர்களிடமும் ஏற்பட்டிருக்கும் நம்பிக்கையை சரியான முறையில் வழி நடத்திட வேண்டும் என்ற பொறுப்புணர்வு அதிகமாகியிருக்கிறது . மிகப்பெரும் மனிதவளம் நம் கட்சிக்கு கிடைத்திருக்கிறது . அவர்களது ஆற்றலையும் , ஆர்வத்தையும் சரியான வழியில் பயன்படுத்தி மக்கள் பணியாற்ற வேண்டும் . 

#சொந்தங்களே …!

இளைய தலைமுறையை வெற்றிக்கொண்டிருக்கிறோம் என்ற மகிழ்ச்சி ஒரு புறமெனில் , சமுதாய பெரியவர்களிடமும் ஜமாத்துகளிடமும் நமக்கு கிடைத்திருக்கும் வரவேற்பும் அளவிட முடியாதது . நிறைய இமாம்கள் நம்மை தொடர்புக் கொண்டு வாழ்த்துகிறார்கள். நல்ல ஆலோசனைகளை வழங்குகிறார்கள் . 

சமூக இணைய தளங்களில் நமது ஜனநாயக போராளிகள் ஏற்படுத்தியிருக்கும் தாக்கத்தின் விளைவாக முஸ்லிம்களின் வட்டம் என்பதை தாண்டி பிற சமுதாய இளைஞர்களும் நமது கட்சியில் இணைகிறார்கள் என்பது தான் உச்சகட்ட மகிழ்ச்சியாக இருக்கிறது . ஆம் பெரும்பான்மையினரும் , சிறுபான்மையினரும் கைக்குலுக்கி சேவையாற்றும் சமூக நல்லிணக்கத்தின் களமாக நமது கட்சி மாறியிருக்கிறது . இதைத்தான் நாடு எதிர்பார்க்கிறது .   

#சொந்தங்களே…!

நமது கட்சிக்கு ஜமாத்தார்கள் , ஆலிம்கள் தரும் ஆதரவும் , அரசியல் சாராத இயக்கங்கள் தரும் ஆதரவும் புதிய உற்சாகத்தை தருகிறது . 

அதுபோல முஸ்லிம்கள் அல்லாத பிற சமுதாய மக்களும் நமது கட்சியில் பேரார்வத்துடன் இணைவதை பலரும் பாராட்டி மகிழ்கிறார்கள் .

‘நல்ல அரசியலை ; நாகரீகமான அணுகுமுறையை’ புரிந்து கொண்டு எல்லா மக்களும் நம்மை நோக்கி திரள்கிறார்கள் எனில் நாம் மிகுந்த பொறுப்புணர்வோடு பணியாற்ற கடமைப்பட்டிருக்கிறோம் .

முஸ்லிம்களால் தலைமையேற்று நடத்தப்படும் அனைவருக்குமான கட்சியாக மஜகவை வழி நடத்துவதில் தான் நமது வெற்றிகரமான அரசியல் பயணம் அடங்கியிருக்கிறது . முஸ்லிம்களின் பிரச்சனைகளையும் , பொதுப் பிரச்சனைகளையும் சம அளவிலே கையாண்டு சமூக நீதியையும் , நேர்மையான அரசியலையும் செயல்படுத்திட வேண்டும் என்பதே அனைவரின் விருப்பமாக இருக்கிறது . 

நமது நாட்டில் முஸ்லிம்களின் அரசியல் என்பது பரந்து விரிந்த பார்வையோடும் , பக்குவமான அணுகுமுறையோடும் அமைய வேண்டும் . அதில் நாம் உறுதியாக இருக்கிறோம் .

#சொந்தங்களே…!

கட்சி தொடங்கிய 26 நாட்களில் மாநாடு நடத்துவது என்று அறிவிப்பதற்கு ஒரு துணிச்சல் வேண்டும் . இறையருளால் அந்த துணிச்சல் நமக்கு இருக்கிறது . 

‘இதைத்தான் நாங்கள் எதிர்பார்த்தோம்’ என்பது போல களத்தில் நமது சொந்தங்கள் மாநாட்டுப் பணிகளுக்காக இரவு – பகலாக உழைக்க தொடங்கிவிட்டார்கள் . 

நிதியில்லாமல் தலைமை தடுமாறுவதை அறிந்து , மாவட்டம் தோறும் நன்கொடைகளை திரட்டும் அதிமுக்கியப் பணியையும் முடுக்கி விட்டிருக்கிறார்கள் . நிதிதானே மாநாட்டின் முக்கிய அடித்தளமாக இருக்கிறது !

நமது மனிதநேய சொந்தங்கள் , தமிழகமே திரும்பி பார்க்கும் அளவுக்கு மக்களை திரட்டும் பெரும் பணியில் ஈடுபட்டுக் கொண்டிருக்கிறார்கள் . ஒவ்வொரு மாவட்டத்திலும் 100 , 200 என வேன்களும் , பேருந்துகளும் முன்பதிவு செய்யப்பட்டுக் கொண்டிருக்கின்றன . 

சுவர் விளம்பரங்கள் எழுதவும் , பேனர்கள் வைக்கவும் , போஸ்டர்கள் ஒட்டவும் தேர்தல் கால விதிமுறைகள் தடுத்த நிலையிலும் , ஒவ்வொரு தொண்டரும் விளம்பர முகவர்களாக மாறிவிட்டார்கள் . 

#சொந்தங்களே…!

ஓடும் புலியின் வேகத்தை கூலாங்கற்களால் தடுத்திட முடியுமா ? காட்டாற்று வெள்ளத்தை கரைப்போட்டுத் தடுக்க களிமண்ணால் முடியுமா ? புயல் காற்றை தடுத்திட விஞ்ஞானத்தில் வழியுண்டா ? 

அதுபோல் தான் இடையூறுகளும் , தடைகளும் நம் படைவீரர்களை தடுத்திட முடியாது . பணிகளை முடக்கிட முடியாது ! இவர்கள் உடலில் ஓடுவது ரத்தமா ? எரிபொருளா ? என எல்லோரும் வியக்கும் வகையில் நம் மனிதநேய சொந்தங்கள் புறப்பட்டிருக்கிறார்கள் .

#எல்லா_புகழும்_இறைவனுக்கே .!

மார்ச் 26 , அன்று தலைநகர் சென்னையில் குடும்பத்தோடு கூடுவோம் ! புதிய பயணத்தில் புதிய வரலாற்றை தொடங்குவோம் .! வாரீர் .!

 #பணிந்தவன்_வென்றதில்லை ..!
 #துணிந்தவன்_தோற்றதில்லை ..!

அன்புடன் 
M.தமிமுன் அன்சாரி 
பொதுச் செயலாளர்
மனிதநேய ஜனநாயக 
16_03_16

முத்துப்பேட்டையில் இன்று முதல் 3 நாளைக்கு நகைக் கடைகள் அடைப்பு. சங்க கூட்டத்தில் தீர்மாணம்

                  முத்துப்பேட்டை மார்ச் - 10

  திருவாரூர் மாவட்டம், முத்துப்பேட்டை அனைத்து நகை வியாபாரிகள் மற்றும் அனைத்து ஆபரணத் தொழிலாளர்கள் சங்க அவசர கூட்டம் நேற்று மாலை புதுக்காளியம்மன் கோவில் மண்டபத்தில் நடைபெற்றது. கூட்டத்திற்கு மாநில செயற்குழு உறுப்பினரும், முத்துப்பேட்டை சங்க தலைவருமான எஸ்.என்.ஆர்.சி.ராஜசேகர் தலைமை வகித்தார். சங்கப் பொருளாளர் பக்கிரிசாமி பக்தர், நிர்வாகிகள் மனோகரன், மகாலிங்கம், கணேசன், அசோகன் ஆகியோர் முன்னிலை வகித்தனர். கூட்டத்தில் தங்க நகை மீதான ஒரு சதவீத கலால் வரியை ரத்து செய்யக் கோரி நாளை(இன்று) வியாழன், வெள்ளி மற்றும் சனிக்கிழமை ஆகிய 3 தினங்களுக்கு முத்துப்பேட்டையில் உள்ள அனைத்து நகைக்கடைகள் மற்றும் அனைத்து நகை ஆபரண தொழில் கூடங்கள் அடைத்து போராட்டத்தில் ஈடுப்படுவது என்று தீர்மாணிக்கப்பட்டது. கூட்டத்தில் நிர்வாகிகள் முகம்மது மைதீன், டி.எஸ்.குமார்,; சேகர், நசூருதீன், மனோகரன், தியாகராஜன், பிரசாத், ராஜேஷ் கண்ணா, அன்பழகன் உட்பட பலரும் கலந்துக் கொண்டனர்.

நன்றி:முகைதீன்பிச்சை,MTT

நாச்சிகுளம் செய்திகள்

மொபைல்போன்கள் விந்தணுக்களை 'எப்படியெல்லாம்' பாதிக்கிறது..!? அதிர்ச்சி தரும் உண்மை.....!

Nachikulam News  Mar,10,2016   01:09 PM

M

ஆண்மை சார்ந்த பிரச்சனைகள் :
தங்களின் மொபைல் போன்களை பெரும்பாலும் பேண்ட் பாக்கெட்டிலேயே வைத்து கொண்டு இருக்கும் அல்லது மற்றும் தினம் ஒரு மணி நேரம் மொபைலில் பேசும் ஆண்களுக்கு ஆண்மை சார்ந்த பிரச்சனைகள் ஏற்படும் என்று ஆய்வாளர்கள் எச்சரித்துள்ளனர். அதாவது பிறருடன் ஒப்பிடும் போது, தினம் ஒரு மணி நேரம் மொபைலில் பேசும் ஆண்களுக்கு ஆண்மை சார்ந்த பிரச்சனைகள் ஏற்பட இரண்டு மடங்கு அதிக வாய்ப்பு உள்ளதாக ஆய்வின் முடிவு தெரிவிக்கிறது.

விந்தணுக்களின் தரம் :
மேலும் போனை சார்ஜ் செய்து கொண்டே பேசினாலும் விந்தணுக்களில் பாதிப்பு ஏற்படும், அதனால் விந்தணுக்களின் தரம் குறையும் என்ற அதிர்ச்சி தகவலையும் ஆய்வாளர்கள் தெரிவித்துள்ளனர்.

நெகடிவ் இம்பாக்ட் :
உறங்கும்போது மொபைல் போனை அருகாமையிலேயே அல்லது கட்டிலின் அருகே உள்ள மேசை மீதோ வைத்திருந்தால் கூட, அதனுள் இருந்து வெளிப்படும் 'நெகடிவ் இம்பாக்ட்' (Negative Impact) மூலம் விந்தணுக்கள் சார்ந்த பாதிப்பு ஏற்படும் வாய்ப்பு அதிகம் என்கிறர்கள் ஆய்வாளர்கள்.

குழந்தை கருவுறும் சிரமம் :
மேற்கத்திய நாடுகளில் படிப்படியாக குழந்தை கருவுறும் சிரமம் அதிகரித்துக் கொண்டே வருவதற்கு 40 சதவீதம் காரணியாக மொபைல்போன் பயன்பாடு தான் என்று கருதப்படுகிறது.

விந்தணு மரணம் :
மொபைல்போன்களில் இருந்து வெளிவரும் வெப்பம் மற்றும் மின்காந்த நடவடிக்கைகள் ஆனது ஆண்களின் விந்தணுக்களை மெல்ல மெல்ல பாதித்து அவைகளை முற்றலுமாக இறந்து போக வைக்கிறது என்பது கண்டறியப்பட்டுள்ளது.

20 இன்ச் அருகாமை
47% ஆண்கள் மொபைல்போன்களை தங்களின் இடுப்பு பகுதிக்கு 20 இன்ச் அருகாமையில் வைத்திருப்பதாலேயே விந்தணுக்கள் மோசமாக பாதிக்கப்படுகிறதாம்.

உயிரி மருத்துவ துறை :
ஆண் இனப்பெருக்க விகிதங்கள் மற்றும் மொபைல் போன்கள் நோய்த்தாக்கம் ஆகிய இரண்டிற்கும் இடையிலேயான இந்த ஆய்வு இனப்பெருக்க உயிரி மருத்துவ துறையால் வெளியிடப்பட்டது என்பது குறிப்பிடத்தக்கது.

மொபைல் போதை :

விந்தணுக்களின் நிலை குறைய குறைய குழந்தை பெற்று கொள்வதற்க்கான வாய்ப்பு கடினமாகி கொண்டே போகும் ஆகையால் மொபைல்போன் மீதான போதையில் இருந்து ஆண்கள் மீண்டு வர வேண்டும் என்று ஆய்வாளர்கள் எச்சரிததுள்ளனர்.

எந்நேரமும் மொபைல், கம்ப்யூட்டர் 'நோண்டுபவரா' நீங்கள்..? உஷார்..!

தலையணையோடு மொபைலை வைத்துக்கொண்டு தூங்குபவரா நீங்கள்.?!

தினம் ஒரு மணி நேரத்திற்கு மேல் மொபைல் போனில் பேசும் ஆண்களுக்கு விந்தணுக்களின் தரம் குறைவதற்க்கான வாய்ப்பு மிக அதிகம் என்று கூறியது மட்டுமின்றி மேலும் பல மொபைல் போன் பயன்பாடு மற்றும் விந்தணுக்கள் சார்ந்த பல அதிர்ச்சி தரும் தகவல்களை அளித்துள்ளது சமீபத்திய ஆய்வு ஒன்று..

நாச்சிகுளம் செய்திகள்

வாக்காளர் பட்டியலில் விடுபட்ட பெயர் சேர்த்தல் , நீக்கல் , திருத்தல் மற்றும் வாக்காளர் அடையாள அட்டைசம்மந்தமாகவும்......

Nachikulam Nrws  Mar 10  11:45

வாக்காளர் பட்டியலில் இதுவரையில் பெயர் சேர்க்காதவர்கள் ஏப்ரல் 15–ந் தேதிக்குள் பெயர் சேர்க்க வாய்ப்பு அளிக்கப்படுகிறது.

வாக்காளர் அட்டை பெற வாக்காளர் சேவை மையம் என்ற மையத்தை வரும் மார்ச் 14–ந் தேதியில் (திங்கட்கிழமை) இருந்து தொடங்கவுள்ளது.

வாக்காளர் பட்டியலில் பெயர் சேர்த்தல், பெயர் நீக்குதல், திருத்தங்கள் செய்தல், புதிதாக வாக்காளர் அடையாள அட்டைக்கு விண்ணப்பித்தல், பழைய அட்டையை மாற்றுதல் போன்ற தேவைகளுக்கு இந்த மையத்தை பயன்படுத்திக்கொள்ளலாம்.

புதிதாக அடையாள அட்டைக்கு விண்ணப்பிக்கிறவர்களுக்கு அது இலவசமாக வழங்கப்படும். அட்டையை மாற்ற வேண்டுமென்றால் ரூ.25 கட்டணம் செலுத்தவேண்டும்.

இந்த மையம் அனைத்து மாவட்டங்களிலும் உள்ள தாசில்தார் அலுவலகம், வருவாய் கோட்டாட்சியர் அலுவலகம் (ஆர்.டி.ஓ), கலெக்டர் அலுவலகம் ஆகிய தனி அறையில் செயல்படும்.

தேர்தல் ஆணையத்தின் இணையதளத்திலும் விண்ணப்பம் செய்யலாம். ‘ஆண்டிராய்டு’ செல்போன் மூலம் tnelectionplaystore என்ற ‘ஆப்’பை பதவிறக்கம் செய்து விண்ணப்பிக்கலாம்


நாச்சிகுளம் செய்திகள்

நாளை முழு சூரிய கிரகணம்: சென்னையில் 26 நிமிடங்கள் தெரியும்

Nachikulam News Mar8 19:18

சென்னை: நாளை முழு சூரிய கிரகணம் ஏற்பட உள்ளது. இந்த சூரிய கிரகணத்தை சென்னையில் 26 நிமிடங்கள் பார்க்க முடியும்.
சந்திரன் பூமிக்கும், சூரியனுக்கும் இடையே வருகையில் சூரிய கிரகணம் ஏற்படும். அமாவாசை அன்று தான் சூரிய கிரகணம் ஏற்படும். ஒரு ஆண்டில் 2 முதல் 5 சூரிய கிரகணங்கள் ஏற்படும். முழு சூரிய கிரணம் ஆண்டுக்கு ஒரு முறை நடக்கலாம்.
முழு சூரிய கிரகணம் என்றால் சந்திரன் சூரியனை முழுவதுமாக மறைத்து ஒரு வளையம் போன்று தெரியும். இந்நிலையில் நாளை முழு சூரிய கிரகணம் ஏற்பட உள்ளது. இந்த கிரகணத்தை வெறும் கண்ணில் பார்க்க வேண்டாம் என்று மக்கள் அறிவுறுத்தப்பட்டுள்ளனர்.
இந்த கிரகணத்தை இந்தோனேசியாவின் சுமத்ரா தீவில் முழுமையாக பார்க்க முடியும். கோலாலம்பூர், சிங்கப்பூர், ஹவாய் மற்றும் ஆஸ்திரேலியாவின் வடக்கு பகுதியில் பாதி அளவில் தெரியும். தாய்லாந்து, பிலிப்பைன்ஸ் ஆகிய நாடுகளிலும் கிரகணத்தை நன்றாக பார்க்க முடியும்.
இந்த கிரகணத்தை இந்திய மக்களும் பார்க்கலாம். இந்தியாவில் டெல்லி, ஹைதராபாத், கொல்கத்தா, லக்னோ, வாரணாசி, மைசூர், மங்களூர், சென்னை ஆகிய நகரங்களில் கிரகணத்தை பார்க்கலாம். இந்தியாவில் பாதி கிரகணத்தையே பார்க்க முடியும்.
சென்னையில் நாளை காலை 6.22 மணி முதல் 6.48 மணி வரை அதாவது 26 நிமிடங்கள் தான் கிரகணத்தை காண முடியும். கிரகணம் இந்திய நேரப்படி காலை 4.49 மணிக்கு துவங்கி காலை 9.08 மணி வரை நீடிக்கும்.
முன்னதாக கடந்த 2010ம் ஆண்டு ஜனவரி மாதம் 15ம் தேதி முழு சூரிய கிரகணம் ஏற்பட்டது என்பது குறிப்பிடத்தக்கது.

நாச்சிகுளம் செய்திகள்

நாச்சிகுளம் தொடக்கப் பள்ளி ஆண்டு விழா

நாச்சிகுளம் செய்திகள்18feb 10:54AM

நாச்சிகுளம் ஊராட்சி ஒன்றிய துவக்கப்பள்ளியில் நீண்ட இடைவெளிக்கு பிறகு நேற்று 
(17 /2/2016) பள்ளியின் ஆண்டு விழா மிக சிறப்பான முறையில் நடைபெற்றன
பள்ளி நிர்வாகமும் மாணவ மாணவிகளும் ஏற்பாடு செய்திருந்த   ஆண்டுவிழா நிகழ்ச்சிக்கு 

ஊராட்சி மண்ற தலைவர் M.R.வைத்திய நாதன் அவர்கள் தலைமை ஏற்றார் 

தொடக்க கல்வி துறை அலுவலர்களும் 
பெற்றோர் ஆசிரியர் சங்க தலைவர் O.E.A.முகைதீன் பிச்சை அவர்களும்
கல்வி குழு நிர்வாகி செல்லத்துரை அவர்களும்
ஒன்றிய கவுன்சிலர் 
சசிகலா பழனி வேல் அவர்களும்  
ஊராட்சி மண்ற துனை தலைவர் சுப்பிரமணியண் அவர்களும் முன்னால்
ஊராட்சி மண்ற தலைவர்கள்
C.N.பழனி வேல் அவர்களும் 
பொன் மகேந்திரன் அவர்களும்
ஜமாத் தலைவர் 
M.M.அப்துல் சுக்கூர் அவர்களும்
புலவர் நாச்சிகுளத்தார் அவர்களும்
நுகர்வோர் பாதுகாப்பு குழு
பொன் வேம்பையன் அவர்களும்
L.M.S.அபுபக்கர் அவர்களும் 
ஜமாத் செயலாளரும் 
MMS தாளாளருமான வழக்கறிஞர் M.L.அஷ்ரப் அலி அவர்களும்
அரசு மேல்நிலை பள்ளி பெற்றோர் ஆசிரியர் சங்க தலைவர்  
J.தாஹிர் அவர்களும் 
இவர்களோடு நாமும்
(நாச்சிகுளம் தாஜுதீன்) 
சிறப்பு அழைப்பாளர்களாக
 கலந்துகொண்டு வாழ்த்துரை
  வழங்கினோம்  

முன்னதாக 
வருகை தந்திருந்த 
சிறப்பு அழைப்பாளர்கள்
 அனைவருக்கும் பள்ளியின் பெற்றோர் ஆசிரியர் சங்க தலைவர் O.E.A.முகைதீன் பிச்சை அவர்கள் பொன்னாடை போர்த்தி வரவேற்றார்கள்

இறுதியாக மாணவ மாணவிகளின் கலை நிகழ்ச்சி நடபெற்று பரிசுகள் வழங்கப்பட்டு நிகழ்ச்சி நிறைவடைந்தன

இந்நிகழ்ச்சியில் பெற்றோர்களும் மாணவ மாணவிகளும் பொது மக்களும் பெரும்திரளாய் கலந்துகொண்டு சிறப்பித்தார்கள்

நாச்சிகுளம் செய்திகள் குழு

வெளிநாடுவாழ் தமிழர்களுக்கு தனி அமைச்சகம் தேவை பரவட்டும் கையெழுத்து இயக்கம் ..!

(மமக பொதுச்செயலாளர் M.தமிமுன் அன்சாரி கடிதம்)
                                                                              பேரன்புக்குரிய மனிதநேய சொந்தங்களே….!
ஏக இறைவனின் அமைதியும், சமாதானமும் உரித்தாகுக !
தமிழகத்தை போலவே உலகமெங்கும் ஓடியாடி உழைத்துக்கொண்டிருக்கும் நம் மனிதநேய சொந்தங்களுக்காகவே இம்மடலை வரைகிறோம் . 
சொந்தங்களே ..!
நாம் எதிர்பார்த்ததைவிட அதிகமாக வெளிநாடுகளில் தமிழக-புதுச்சேரி மக்களிடையே நமக்கு கிடைத்திருக்கும் ஆதரவு புதிய பொறுப்புகளை நம்மீது சாட்டியிருக்கிறது.
நாள்தோறும் ஆங்காங்கே நமது சார்பு அமைப்பான மனிதநேய மக்கள் கலாச்சார பேரவை (மமக பேரவை) புதிய, புதிய கிளைகளை உருவாக்கிக் கொண்டிருக்கிறது.
கடந்த மாதம் அமீரக சுற்று பயணத்தின் போதுதான் வெளிநாடுவாழ் தமிழக மக்களுக்காக பயனுள்ள வகையில் ஏதாவது செய்ய வேண்டும் என்று திட்டமிட்டோம் .
ஐக்கிய அரபு அமீரக நிர்வாகிகளுடன் நடைபெற்ற முழுமையான கலந்துரையாடலுக்கு பிறகு, ஜனவரி 10 அன்று துபையில் கையெழுத்து இயக்கத்தை தொடங்கினோம்.
எதிர்பார்த்ததை விட பன்மடங்கு ஆதரவு இதற்கு கிடைத்துள்ளது. நாங்கள் வாழும் நாடுகளிலும் இதை தொடங்கப் போகிறோம் என ஆங்காங்கே மமக பேரவையினர் களமாட தொடங்கிவிட்டார்கள். வெளிநாடு வாழ் தமிழக மக்கள், தங்கள் வாழ்வில் ஒரு புதிய அத்தியாயம் மலரப் போகிறது என்ற மகிழ்ச்சியில் நம்மை வாழ்த்தி பாரட்டி செய்தி அனுப்புகிறார்கள்.
சொந்தங்களே…!
ஏன் நாம் வெளிநாடு வாழ் தமிழக தொழிலாளர்கள் மீது இவ்வளவு அக்கரை காட்டுகிறோம் ? வரலாற்றை பின்னோக்கிப் பார்த்தால் நமது மக்கள் அயல்நாடுகளில் பட்ட துன்பங்கள் கண்ணீரை வரவழைக்கும்.
”திரைக்கடல் ஓடியும் திரவியம் தேடு” என்ற முதுமொழிக்கேற்ப கடல் கடந்து சென்று உழைத்து, பொருள் தேடி அதைக்கொண்டு தங்களின் வறுமையை ஒழித்து, வாழ்வை மேம்படுத்திக் கொண்டார்கள்.
இலங்கை , பர்மா , சிங்கப்பூர் , மலேசியா,வியட்நாம் , புருணை , இந்தோனேஷியா , ஹாங்காங் , தாய்லாந்து என தென்கிழக்காசியவை நோக்கி கடல் கடந்து போனார்கள் . உழைத்தார்கள். எலும்பும், சதையும் வலிக்க, வலிக்க உழைத்தார்கள்.
பிறகு திசைகள் மாறியது. 1970-களுக்கு பின்னால் அரபு நாடுகளின் வாசல் திறந்து, பல்லாயிரக்கணக்கில் வேலை தேடி சென்றவர்களின் எண்ணிக்கை லட்சக்கணக்காக பெருகியது.
குடும்பத்தை துறந்து நாடு கடந்து வாழும் இவர்களின் வாழ்க்கையை தூரத்தில் இருந்து பார்த்தால் முன்னேற்றமாக தெரியும். அருகில் சென்று விசாரித்தால் அவர்களின் கண்ணீரையும், வலிகளையும் கேட்க முடியும் .
சிங்கப்பூரின் அங்காடிகள், மலேஷியாவின் உணவகங்கள் மட்டுமின்றி அமீரகம், சவூதி, கத்தார், குவைத், பஹ்ரைன், ஓமன் உள்ளிட்ட அரபு நாடுகளில் பாலைவன வெயிலில் தொழிலாளர்களாக அவர்கள் படும் துன்பங்கள், சிரமங்கள் ஏராளாம்!
கம்பெனிகளால் ஏமாற்றப்படுபவர்கள், நிறைவான சம்பளம் என நம்பி சென்று குறைவான கூலிக்கு வேலை செய்பவர்கள், முதலாளிகளால் கொடுமைகளுக்கு ஆளாக்கப்படுபவர்கள், நோய்களால் அவதிப்படுபவர்கள், குடும்பப் பிரிவை தாங்க முடியாமல் தவிப்பவர்கள், ஓய்வு இல்லாமல் 15 மணிநேர வேலை செய்பவர்கள் என பலதரப்பட்டவர்களும் படும் இன்னல்கள் எராளம்.
இதுவெல்லாம் தாயகத்தில் உள்ள தங்கள் குடும்பத்திற்கு தெரியக்கூடாது என்பதற்காக, வேதனைகளை விழிங்கிக் கொண்டு, அலைப்பேசிகளில் செயற்கையாக தம் குடும்பத்தினரிடம் சிரித்துப்பேசும் அவர்களின் வாழ்க்கையை நினைத்தாலே வலிக்கிறது.
இப்படி கண்ணீரோடு அயல்நாடுகளில் பணிபுரியும் லட்சக்கணக்கான தமிழக தொழிலாளர்களின் நலன்கள் குறித்துவிவாதிக்கவும், அவர்களின் கோரிக்கைகளையும், வாழ்வாதார நலன்களையும் காதுகொடுத்து கேட்க அதிகார மையங்கள் ஆர்வம் காட்டவில்லை.
சொந்தங்களே..!
வெளிநாடு வாழ் தமிழர்கள் ஆண்டு தோறும் 40 ஆயிரம் கோடிக்கு மேல் தாயகத்திற்கு அனுப்புகிறார்கள் . இவர்களின் நலனுக்கு தமிழகத்தில் எவ்வித பெரிய திட்டங்களும் இல்லை. .
இந்தியாவிலிருந்து மொத்தம் 2.5 கோடி மக்கள் வெளி நாடுகளில் பணி புரிகின்றனர். இவர்களில் 80 சதவீதம் பேர் உடலுழைப்பு சார்ந்த தொழிலில் ஈடுபட்டுள்ள தொழிலாளர்களாவர். இதில் பெரும்பாலானவர்கள் மத்திய கிழக்கு நாடுகளில் பணிபுரிகின்றனர்.
கேரள மாநில ஜிடிபி-யில் வெளிநாட்டில் வசிப்போரின் பங்களிப்பு 31.2 சதவீதமாக உள்ளது. கேரளத்துக்கு அடுத்தபடியாக தமிழகமும் அதைத் தொடர்ந்து பஞ்சாப், ஆந்திர மாநிலங்கள் வருகின்றன . கடந்த ஐந்து ஆண்டுகளில் பண வரவு 8 சதவீத வளர்ச்சியை எட்டியுள்ளதாக தகவல் தெரிவிக்கிறது.
தமிழகத்தை சேர்ந்த லட்சக்கணக்கானோர் வெளிநாடுகளில் பணியாற்றி வருகின்றனர். வளைகுடா நாடான ஐக்கிய அரபு அமீரகத்தில் மட்டும் 2 லட்சத்து 60 ஆயிரம் தமிழர்கள் உள்ளனர் ,சவுதி அரேபியாவிலும் லட்சக்கணக்கானோர் பணியாற்றி வருகின்றனர் மற்றும் கத்தார் ,குவைத் ,மலேசியா சிங்கப்பூர் அமெரிக்கா ,இங்கிலாந்து உள்ளிட்ட பல்வேறு நாடுகளிலும் தமிழகத்தை சேர்ந்தோர் பணி புரிய சென்றுள்ளனர்.
சொந்தங்களே..!
உற்றார் உறவினர்களை பிரிந்து பல்லாயிரம் கோடியை தாய் நாட்டிற்கு அனுப்பும் வெளிநாட்டு வாழ் தமிழர்கள் அவர்கள் தாயகம் திரும்பினால் தமிழகத்தில் அரசு சார்பாக அவர்களின் நலன் காக்க இது வரை பெரிய திட்டங்கள் எதுவுமில்லாதது பெரும் ஏமாற்றத்தை அளிக்கிறது.
கடந்த கால திமுக ஆட்சியின் போது வெளிநாட்டு வாழ் தமிழர் நலனை பாதுகாக்கும் வகையில் தமிழகத்தில் வெளிநாட்டு வாழ் தமிழர் நலச் சட்டம், 2011ல் நிறைவேற்றப்பட்டது. இதன்படி, வெளிநாட்டு வாழ் தமிழர் நலனுக்காக, தனி நிதியம் உருவாக்க வழி செய்யப்பட்டு. வாரியம் ஒன்றை உருவாக்கவும், சட்டம் அனுமதி அளிக்கிறது.
ஆனால் இதுவரை இச்சட்டம் செயல்படுத்தபடாமல் கிடப்பில் போடப்பட்டுள்ளது. ஆனால் அண்டை மாநிலமான கேரளாவில் வெளிநாட்டு வாழ் கேரள மக்களுக்காக நார்கோ என்ற அரசு துறை செயல்பட்டுவருகிறது கூடுதலாக தனி அமைச்சகம் ஏற்படுத்தி எண்ணற்ற திட்டங்களை செயல்படுத்தி வருகிறார்கள். சமீபத்தில் வெளிநாடுகளில் பணிபுரிந்து வரும் தமிழகத்தைச் சேர்ந்த வெளிநாடு வாழ் தமிழர்களுக்கு இடம்பெயர்ந்தோர் வள மையம் ஒன்று சென்னையில் அமைக்கப்பட்டு ரூ.1 கோடி சுழற்சி நிதியாக ஒதுக்கீடு செய்யப்படும் என தமிழக அரசின் சார்பில் அறிவிக்கப்பட்டு செலவீனங்களுக்கு ரூ15 லட்சம் ஒதுக்கப்பட்டது.இம்மையம் ஐஏஎஸ் அதிகாரி ஆனந்த் தலைமையில் செயல்படுகிறது.ஆனால் இத்தொகை யானை பசிக்கு சோளபொறி என்பது போன்ற மிக குறைந்த தொகையாகும் .
அண்டை மாநிலமான கேரளாவில் Non-Resident Keralites’ Affairs Department (NORKA) என்ற துறை 1996ல் ஏற்படுத்தப்பட்டு இதற்கென அமைச்சர் நியமனம் செய்யபட்டு வெளிநாட்டு வாழ் கேரள மக்களுக்கான நலப்பணிகள் நடைபெறுகிறது கேரள மாநில முதல் அமைச்சர் மேற்பார்வையில் அனைத்தும் செயல்படுகிறது.
சொந்தங்களே...!
வெளிநாடுவாழ் இந்திய தொழிலாளர்கள் வேதனைகள் குறித்து கேரள அரசு மட்டுமே கவலைப்பட்டு, தனி அமைச்சகத்தை ஏற்படுத்தி அவர்களது நலன்களை பேணுகிறது.தமிழகத்திலும் வெளிநாடு வாழ் தமிழர்களின் நலன் காக்க தனி அமைச்சகம் உருவானால் தான், அவர்களது வாழ்வுரிமைகள் பாதுகாக்கப்படும் என்பதை கருத்தில் கொண்டு மமக பேரவை ஐக்கிய அரபு அமீரகம் துபையில் கையெழுத்து இயக்கத்தை தொடங்கி வெற்றிகரமாக நடத்தி வருகிறது. இப்போது வளைகுடா முழுக்க இப்பணிகள் விரிவுபடுத்தப்பட்டிருக்கிறது .
சமூக இணைய தலங்களின் மூலம் மமக பேரவையினர் முன்னெடுத்திருக்கும் பரப்புரை வெளிநாடு வாழ் தமிழர்களிடையே பெரும் வரவேற்பை பெற்றுள்ளாது.
எங்களுக்கு இது குறித்து நிறைய அலைபேசி அழைப்புகளில் பல சமூக மக்களும் வாழ்த்துகளையும், நன்றிகளையும் தெரிவித்து வருகிறார்கள்.
இதற்கு கிடைத்திற்கும் ஆதரவை பயன்படுத்தும் வகையில் இக்கையெழுத்து இயக்கம் பிப்ரவரி 20 வரை நீட்டிக்கப்படுகிறது .
எனவே ஆசிய நாடுகள் எங்கும் இப்பணியை மமக பேரவை முன்னெடுக்கும் என்பதை தெரிவித்துக் கொள்கிறோம். இறுதியாக அந்தந்த நாட்டு இந்திய தூதர்கள் மூலம் அக்கையெழுத்து படிவங்கள் தமிழக அரசுக்கு அனுப்பி வைக்கப்படும்.
சொந்தங்களே..!
நமது முயற்சிகள் வெற்றிபெற்று தமிழகத்தில் தனி அமைச்சகம் அமையுமேயானால் கீழ்க்கண்ட நன்மைகள் கிடைக்கும் .
• வெளிநாட்டு விசாவும், வேலை செய்யும் அனுமதியும் கிடைத்தவுடன் அவர்களுக்கு காப்பீடு (இன்சூரன்ஸ்) செய்துக் கொடுப்பது.
• குறைந்தபட்ச சம்பளமாக ஒரு தொகையை வெளிநாட்டு வேலை அளிக்கும் நிருவனங்களுக்கு அரசே நிர்ணயிப்பது.
• வெளிநாடுகளில் பணிபுரியும் போது விபத்து அல்லது பெருநோயில் சிக்கும் தொழிலாளர்களுக்கு தமிழகத்தில் இலவச உயர்சிகிச்சை ஏற்பாடு செய்வது.
• போர் அல்லது அவசர காலங்களில் நிர்பந்தமான நிலையில் நாடு திரும்பும் தொழிலாளர்களுக்கு தொழில் தொடங்க வசதி செய்துக் கொடுப்பது மற்றும் இடைக்கால உதவித்தொகைகள் வழங்குவது.
• வெளிநாடுகளில் பணியின் போது விபத்தில் இறக்கும் தொழிலாளர்களின் குடும்பத்திற்கு வாழ்வாதார நிதி வழங்குவது.
• வெளிநாடு வாழ் தமிழக தொழிலாளர்களுக்காக 24 மணிநேர உதவிமையம் திறப்பது .
• போலி ஏஜென்சிகளை கண்டறிந்து தடுப்பது .
• இறந்தவர்களின் உடலை குறைந்த செலவில் தாயகத்திற்கு கொண்டு வருவது .
இப்படி எண்ணற்ற சலுகைகளை வெளிநாடுவாழ் தமிழக மக்களுக்கு பெற்றுக் கொடுப்பதற்காகவே இக்கையெழுத்து இயக்கத்தை நடத்துகிறோம் . உங்களின் ஒவ்வொரு கையெழுத்தும் மதிப்புமிக்கது என்பதை உணர்ந்து இதற்கு ஆதரவு தருமாறு கேட்டுக்கொள்கிறோம் .
M. தமிமுன் அன்சாரி 
பொதுச் செயலாளர் 
மனிதநேய மக்கள் கட்சி 
04-02-2016

மனிதநேய மக்கள் கட்சியின் தலைமை நிர்வாகி மீது கொலைவெறி தாக்குதல்

மனிதநேய மக்கள் கட்சியின் தலைமை நிலைய செயலாளர் N.தைமியா அவர்கள் இன்று நள்ளிரவு சமூக விரோத கும்பலால் தாக்கப்பட்டார் மனிதநேய மக்கள் கட்சியின் மாநில செயற்குழு கூட்டம் இன்று காலை பொது செயலாளர் தமிமுன் அன்சாரி அவர்கள் தலைமையில் சென்னையில் நடைபெறுவதாக அறிவிக்கப்பட்டு அதற்கான பணிகள் நடைபெற்றுகொண்டிருப்பதை பார்வையிட்டுவிட்டு ஓய்வு எடுப்பதற்காக இன்று நள்ளிரவு தனது வீட்டுக்கு இரு சக்கர வாகனத்தில் தனியாக சென்று கொண்டிருக்கையில்  பதுங்கியிருந்த சமூக விரோத கும்பல் கொலைவெறி தாக்குதல் நடத்தியுள்ளது தகவல் அறிந்து சம்பவ இடத்திற்கு சென்ற மனிதநேய சொந்தங்கள் அவரை தூக்கி சென்று ராயப்பேட்டை அரசு மருத்துவமனையில் சேர்த்துள்ளனர்  மமக தலைமை நிலைய செயலாளர் சகோதரர் தைமியா அவர்கள் மீது நடத்தப்பட்ட இந்த கொலை வெறி தாக்குதலை வண்மையாக கண்டிப்பதோடு வண்முறை கும்பலையும் இந்த வண்முறையை தூண்டிவிட்டவர்கள் மீதும் கடுமையான நடவடிக்கையை அரசு மேற்கொள்ள வேண்டும்


இவன்
நாச்சிகுளம் தாஜுதீன்
மாநில அமைப்பு துனை செயலாளர்
மனிதநேய மக்கள் கட்சி

போராளி ரோஹித்வெமலா நிறுவனப்படுகொலை! மனிதநேய மக்கள் கட்சிபொதுச்செயலாளர் M.தமிமுன் அன்சாரி கண்டனம்

ஐதராபாத் மத்திய பல்கலை கழக ஆய்வு மாணவரான போராளி ரோகித் வெமுலா நிறுவனபடுகொலைக்கு! ஆளானசெய்தி  இந்திய சிவில் சமூகத்தையே அச்சப்பட வைத்திருக்கிறது.

சாதிய ,மதவாத சக்திகளுக்கு எதிராக இளைய தலைமுறையை அணிதிரட்டிய அவருக்கு , தீவிர மதவாத சக்திகளால் தொடர்ந்து நெருக்கடிகள் கொடுக்கப்பட்டது.


பல்கலைக்கழக நிர்வாகம்போராளி ரோகித் வெமுலாஅவர்களுக்கும் , அம்பேத்கர் வட்ட மாணவர்களுக்கும் ,அவர்கள் பல்கலைகழக வளாகத்தில்உணவகம் , நூலகம் ஆகியவற்றை பயன்படுத்தக்கூடாது என விதித்த தடையை எதிர்த்து, கடந்த ஒரு வாரகாலமாக , பல்கலைக்கழக வளாகத்திற்கு வெளியே மாணவர்கள் கூடாரம் அமைத்து ஜனநாயக வழியில் போராடினர்.


ரோகித் வெமுலா துணைவேந்தரை சந்தித்து பேச முயன்றும் அனுமதி மறுக்கப்பட்டது. ஒரு வகையான சமூக புறக்கணிப்பை ஜீரணிக்க முடியாத போராளி ரோகித் வெமுலா  தூக்குமாட்டி தற்கொலை செய்யும்நிலைக்கு ஆளாகியுள்ளார். இது ஒரு நிறுவனப்படுகொலை  என்பதால்,மாணவர்கள் போராட்டத்தில் குதித்துள்ளனர். நாடெங்கும் அனல்பறக்கும் விவாதங்கள் எழுந்துள்ளது.


அவரது உடலோடு உரிமைக்குரல் எழுப்பிய மாணவர்களிடமிருந்து அவரது  உடலை கைப்பற்றிய காவல்துறை, அவரது பெற்றோர்,உறவினர்கள், நண்பர்கள், கொள்கை தோழர்களை கூட அஞ்சலி செலுத்தவிடாமல் அந்தப் போராளியின்உடலை எரித்
திருக்கிறது .இது  ஜனநாக விரோதசெயல் மட்டுமல்ல :ஒரு வகையான அரச பயங்கரவாதமாகும்.


போராளி ரோகித் வெமுலாவின் எரிக்கப்பட்ட எலும்புத்துண்டுகளும்,சதைத்துண்டுகளும் ஆயிரமாயிரம் மக்கள் போராளிகளை உருவாக்கும் என்பதை அதிகார வர்க்கம் உணரவேண்டும்.

போராளி ரோகித்வெமுலாவுக்காக துயருறும் அனைவரின்  வேதனையிலும் மனிதநேய மக்கள் கட்சியும்  பங்கேற்கிறது. போராளிகள் சாவதில்லை விதைக்கப்படுகிறார்கள் என்பதை வரலாறு நிரூப்பித்துக்கொண்டிருக்கிறது.                                                 

இவண்                       


M.தமிமுன் அன்சாரி
பொதுச்செயலாளர்
மனிதநேய மக்கள் கட்சி

கல்விக்காக அள்ளித்தந்த ஆசிம் பிரேம்ஜி... மூன்றாவது ஆண்டாக முதலிடம்!!

                 

  டெல்லி: விப்ரோ நிறுவனத்தின் தலைவர் ஆசிம் பிரேம்ஜி கல்விக்காக ரூ.27, 514 கோடி நன்கொடை அளித்து முதலிடத்தில் இருக்கிறார்.
2015 ஹுருன் இந்தியா பிலான்தபரி லிஸ்ட் என்ற அறிக்கை இந்தத் தகவலை தெரிவித்துள்ளது. கடந்த மூன்றாவது ஆண்டாக இந்த பட்டியலில் முதலிடத்தில் இருக்கிறார்.
இந்திய வர்த்தகர்கள், தொழிலதிபர்கள் எந்த அளவுக்கு கடந்த ஆண்டில் (2014 நவம்பர் முதல் 2015 அக்டோபர் வரை) நன்கொடைகளை அளித்துள்ளனர் என்பது குறித்த ஆய்வுப் பட்டியல் இது. ஷாங்காயைச் சேர்ந்த ஹுருன் ஆய்வுக் கழகம் இந்த தகவல் கோப்பை சேகரித்து வெளியிட்டுள்ளது. இதில் ரூ. 10 கோடிக்கு மேல் தானம் கொடுத்தவர்களின் பட்டியல் இடம் பெற்றுள்ளது. இதில் டாப் 10 இடத்தில் தகவல் தொழில்நுட்பத்துறையைச் சேர்ந்த ஜாம்பவான்கள் இடம் பெற்றுள்ளனர்.
2015ம் ஆண்டு நன்கொடையாளர்கள் பட்டியலில் முதலிடத்தில் உள்ள ஆசிம் பிரேம்ஜி ரூ.27, 514 கோடி அளித்துள்ளார். 2014ம் ஆண்டு விப்ரோ அதிபர் ஆசிம் பிரேம்ஜி ரூ. 12,316 கோடி அளவுக்கு நன்கொடை வழங்கி முதலிடத்தில் இருந்தார். 2015ம் ஆண்டில் பிரேம்ஜியின் நன்கொடை இருமடங்காக உயர்ந்துள்ளது.
இந்த ஆண்டு பட்டியலில் இரண்டாம் இடத்தில் உள்ளார் நந்தன் நிலகேனி. அவர் அளித்துள்ள நன்கொடை ரூ.2404 கோடி. இன்போசிஸ் தலைவர் நாராயணமூர்த்தி இந்தப்பட்டியலில் 3வது இடத்தில் இருக்கிறார் அவர் அளித்துள்ள நன்கொடை ரூ.1322 கோடி. இந்த பட்டியலில் முதல் 10 இடத்தில் உள்ள நன்கொடையாளர்கள் மொத்தம் ரூ.34,077 கோடி அளித்துள்ளனர். இதில் 81 சதவிகிதம் அளவிற்கு நிதி அளித்துள்ளார் ஆசிம் பிரேம்ஜி.
பெரும்பாலும் கல்வித்துறைக்கே அதிக அளவில் உதவிகள் கிடைத்துள்ளன. நன்கொடை அளித்தவர்களில் 50 சதவிகிதம் பேர் கல்விக்காக அளித்துள்ளனர். சமூக வளர்ச்சிக்காக 25 சதவிகிதம் பேரும், 17 சதவிகிதம் மருத்துவம், ஆரோக்கியத்திற்காக அளித்துள்ளனர்.
எச்சிஎல் அதிபர் ஷிவ் நாடார் கடந்த 2013ம் ஆண்டு ரூ. 1864 கோடியை தானமாக அளித்திருந்தார். 2014ம் ஆண்டு சற்று குறைந்து ரூ. 1136 கோடியை நன்கொடையாக அளித்திருந்தார். இந்த ஆண்டும் ஷிவ் நாடார், முகேஷ் அம்பானி உள்ளிட்ட தொழிலதிபர்கள் நன்கொடை அளித்துள்ளனர் என்பது குறிப்பிடத்தக்கது


நாச்சிகுளம் செய்திகள்

இரத்தத்தை இயற்கையான முறையில் சுத்திகரிப்பு செய்ய எளிய வழிமுறைகள்

உடலில் சருமத்தில் மட்டும் தான் நம் கண்களுக்கு தெரியும்படி அழுக்கு சேருகிறது. ஆனால், நமது உணவு பழக்கம், வாழ்வியல் முறை போன்றவற்றால் நமது உடலில் உள்ள உள்ளுறுப்புகளிலும் கூட நிறைய அழுக்கு சேருகிறது. அவற்றை நாம் கண்களால் பார்க்க முடியாது, ஏதேனும் உடல்நலக் குறைபாடு அல்லது அறிகுறிகளை வைத்து தான் கண்டறிய முடியும்.

நமது உடலிலேயே மிகவும் முக்கியமானது இரத்தம். இது சீர்கெட்டு போனால், உடல் பாகம் அனைத்தும் சீர்கெட ஆரம்பத்துவிடும். எனவே, அப்படிப்பட்ட இரத்தத்தில் சேரும் அழுக்குகளை போக்க, சுத்திகரிப்பு செய்ய என்ன செய்ய வேண்டும் என்பதை பற்றி பார்க்கலாம்

இரத்த வகைகளும் சாப்பிட வேண்டிய உணவு முறைகளும்



ஒவ்வொருவருக்கும் ஒரு குறிப்பிட்ட இரத்த வகை இருக்கும். இரத்த வகையைப் பொறுத்து அவர்களுக்கு எந்த மாதிரியான பிரச்சனைகள் வரும் என்பதை சொல்ல முடியும். ஏனெனில் இரத்த வகைகளுக்கும், உடல் ஆரோக்கியத்திற்கும் தொடர்புள்ளது. குறிப்பாக ஒருவர் தங்களது இரத்த வகைக்கு ஏற்ற சரியான உணவுகளை உட்கொள்ளாமல், தவறான உணவுகளை உட்கொண்டு வந்தால், அதனாலேயே பல பிரச்சனைகள சந்திக்க நேரிடும்.

அதுமட்டுமின்றி, ஆய்வு ஒன்றில் எந்த வகை இரத்த பிரிவினருக்கு, எந்த மாதிரியான ஆரோக்கிய பிரச்சனைகள் வரும் என கண்டறியப்பட்டுள்ளது. உதாரணமாக, ஓ இரத்த பிரிவினருக்கு வயிற்று அல்சர் வருவதற்கான வாய்ப்பு அதிகம் உள்ளது. ஏ இரத்த பிரிவினருக்கு பாக்டீரியா, வைரஸ் அல்லது பூஞ்சை தாக்குதல் அதிகம் இருக்கும். அதிலும் ஏ இரத்த பிரிவு பெண்கள் கருவுறுதலில் பிரச்சனைகளை சந்திக்க வேண்டியிருக்கும்.

அதேப் போல் பி மற்றும் ஏபி இரத்த பிரிவினருக்கு கணைய புற்றுநோய் வரும் வாய்ப்பு அதிகம் உள்ளது. இருப்பினும் சரியான உணவுகளை உட்கொண்டு வந்தால், இவற்றைத் தவிர்க்கலாம். சரி, இப்போது எந்த இரத்த பிரிவினர் எந்த மாதிரியான உணவுகளை உட்கொள்வது நல்லது என்பது குறித்து காண்போம்.

ஏ இரத்த பிரிவைச் சேர்ந்தவர்களின் நோயெதிர்ப்பு மண்டலம் மிகவும் சென்சிடிவ்வானது. எனவே இத்தகையவர்கள் மிகவும் கவனமாக இருக்க வேண்டும். மேலும் இவர்களது செரிமான மண்டலமும் சற்று பலவீனமாக இருக்கும். எனவே இந்த வகை இரத்த பிரிவினர் சிக்கன், மீன் மற்றும் மட்டனை அளவாக உட்கொள்ள வேண்டும். அதுமட்டுமின்றி கேரட், பீச் பழம், பச்சை இலைக் காய்கறிகள், அத்திப்பழம், பேரிக்காய், பூண்டு, வெண்ணெய் பழம் அல்லது அவகேடோ மற்றும் ப்ராக்கோலி போன்றவற்றை அதிகம் உட்கொள்வது நல்லது.
ஏ இரத்த பிரிவைச் சேர்ந்தவர்கள் பால் பொருட்கள், சாதம் மற்றும் முட்டையை தவிர்க்க வேண்டும். இவற்றுக்கு மாற்றாக தயிர், ஆட்டு சீஸ் அல்லது சோயா பால் எடுத்துக் கொள்ளலாம்.
பி இரத்த பிரிவைச் சேர்ந்தவர்கள் அன்னாசிப்பழம், வாழைப்பழம், திராட்சை மற்றும் கீரைகளை அதிகம் உட்கொள்ள வேண்டும். மேலும் மட்டன் மற்றும் மீனை உட்கொள்வது நல்லது. அதே சமயம் இந்த வகையினர் சிக்கனுக்கு பதிலாக வான்கோழி சாப்பிடுவது நல்லது.

பால், முட்டை சிறந்தது இந்த வகையினருக்கு பால் மற்றும் முட்டை சிறந்த உணவுகள். இந்த உணவுகள் இவர்களின் உடலில் எளிதில் செரிமானமாகி, கொழுப்புக்களின் தேக்கத்தைத் தடுக்கும்.

இந்த வகை இரத்த பிரிவு மிகவும் அரிதானது. 5 சதவீத மக்களுக்கு தான் இந்த வகை இரத்தம் இருக்கும். இந்த வகையினருக்கு ஏ மற்றும் பி இரத்த பிரிவின் குணாதியங்கள் கலந்திருக்கும். இந்த வகையினர் இறைச்சிகளை உட்கொண்டால், அதில் உள்ள கொழுப்புக்கள் எளிதில் தங்கிவிடும். மேலும் இந்த பிரிவைச் சேர்ந்தவர்கள் காய்கறிகள் மற்றும் பழங்களை அதிகம் சாப்பிடுவது நல்லது. இவர்கள் முட்டையை எவ்வித அச்சமுமின்றி சாப்பிடலாம்.

ஏபி இரத்த பிரிவினர் அனைத்து வகையான இறைச்சிகள், குறிப்பாக மாட்டிறைச்சிகளை அறவே சாப்பிடக்கூடாது. ஆனால் பால் பொருட்களான சீஸ், வெண்ணெய் மற்றும் இதர பொருட்களை சாப்பிடலாம்.

ஓ இரத்த பிரிவினர் புரோட்டின் அதிகம் நிறைந்த உணவுப் பொருட்களான பருப்பு வகைகள், இறைச்சி, சிக்கன் போன்றவற்றை உட்கொள்ளலாம். அதேப் போல் காய்கறிகள், பழங்கள் மற்றும் கடல் உணவுகளையும் எவ்வித

அச்சமுமின்றி சாப்பிடலாம்

வேலையில்லா பட்டதாரிகளுக்கு 25 சதவீத மூலதன மானியத்துடன் ரூ 5 லட்சம் வரை கடன் முதலமைச்சர் அறிவிப்பு

முதல்-அமைச்சர் ஜெயலலிதா வெளியிட் டுள்ள அறிக்கையில் கூறி இருப்பதாவது:-

கடந்த வடகிழக்குப் பருவமழையின் போது ஒரு சில நாட்களில் பெய்த கன மழை காரணமாக பல மாவட்டங்களில் வெள்ள பாதிப்பு ஏற்பட்டது. இந்த வெள்ள பாதிப்பு மிக அதிகமானது என்பதால், மத்திய அரசு இதனை மிகக் கடுமையான பேரிடர் என அறிவித்துள்ளது.
மழை வெள்ளத்தால் பாதிக் கப்பட்ட மக்களில் பெரும் பாலானோருக்கு நிவாரண உதவித் தொகை வழங்கப் பட்டுவிட்டது. எஞ்சியவர் களுக்கு மிக விரைவில் வெள்ள நிவாரண உதவித் தொகை வழங்கப்படும்.

இந்த பெரு மழை வெள் ளத்தால் சிறு, குறு தொழில் முனைவோர் பாதிக்கப் பட்டுள்ளனர். தமிழ்நாட்டை வெள்ளம் பாதித்த மாநில மாக அறிவித்து ஏற்கெனவே தமிழக அரசால் அரசாணை பிறப்பிக்கப்பட்டுள்ளதால், இவர்கள் தங்களுடைய தொழிலை மீண்டும் தொடங்கும் வகையில், வங்கிகள் மற்றும் பிற நிதி நிறுவனங்கள் ஏற்கெனவே வழங்கிய கடன்களுக்கு கடன் தவணையை ஒத்தி வைத்தல், மறு கடன் உதவி போன்ற பல சலுகைகளை வழங்கி வருகின்றன. வங்கிகளுடன் கலந் தாய்வு கூட்டங்கள் நடத்தி இந்தப் பணியை விரைந்து முடிப்பதற்கான நடவடிக் கைகளை எடுக்கும்படி நான் தலைமை செயலாளருக்கு ஏற்கெனவே உத்தரவிட்டுள் ளேன்.

வேலையற்ற பட்ட தாரிகளின் வேலை உறுதித் திட்டத்தின் கீழ் சிறு தொழில்களுக்கு 25 சதவீத மூலதன மானியத்துடன் ஐந்து லட்சம் ரூபாய் வரை கடன் வழங்கும் திட்டம் தமிழக அரசால் செயல்படுத்தப்பட்டு வருகிறது. இத்திட்டத்தின்படி ஆண்டுக்கு 5,000 இளைஞர் களுக்கு கடன் வழங்கப்பட்டு வருகிறது.

வெள்ளம் பாதித்த மாவட்டங்களில் உள்ள தகுதியான இளைஞர்கள் அனைவருக்கும் இத்திட்டத் தின்படி 25 சதவீத மூலதன மானியத்துடன் ஐந்து லட்சம் ரூபாய் வரையிலான கடன் வழங்கிட நான் உத்தர விட்டுள்ளேன். இத்திட்டத்தில் நிர்ணயிக்கப்பட்ட பயிற்சி பெறப்பட வேண்டும் என்ற நிபந்தனையிலிருந்தும் விலக்கு அளித்து உடனடியாக கடன் வழங்கவும் நான் உத்தரவிட்டுள்ளேன். இவ்வாறு அதில் கூறியுள்ளார்.


நச்சிகுளம் செய்திகள்

சமூக வலைதளங்களில் வதந்திகளை அகற்ற தனிப்படை

சமூக வலைதளங்களில் காட்டுத்தீ போல பரவும் பொய்யான தகவல்களை அகற்ற, காவல்துறையில் ஒரு தனிப் படை ஏற்படுத்தப்பட்டுள்ளது.

ஃபேஸ்புக்கில் பரப்படும் பொய்யான தகவல்களை கண்காணித்து நடவடிக்கைகள் எடுத்து வந்த தமிழக காவல்துறை இப்போது, வாட்ஸ் ஆப்பிலும் தனது பணியைத் தொடங்கி உள்ளது.இத்தகைய செய்திகளை 24 மணி நேரமும் இரவு, பகலாக கண்காணிக்க சுமார் 60 பேர் கொண்ட குழு வேலை செய்கிறது.

சமீபத்திய வெள்ளத்தின் போது, ஏரிகள் உடைந்ததாலும், முதலைப் பண்ணைகளில் நீர் புகுந்ததாலும், முதலைகள் மக்கள் குடியிருப்புகளை நோக்கி வருகின்றன என்ற செய்தி பரவியது. செய்தி உண்மையா என்று கேட்டு, கட்டுப்பாட்டு அறைக்கு ஏராளமான அழைப்புகள் வந்துகொண்டே இருந்திருக்கின்றன.

கடந்த செவ்வாய்க் கிழமை அன்று, சென்னையில் உள்ள சில பள்ளிகளில் வெடிகுண்டு வைக்கப்பட்டுள்ளதாகத் தகவல் வந்தது. சமூக ஊடகங்களில் அந்த செய்தி தீயாகப் பரவியதையடுத்துப் பள்ளிகளுக்கு விடுமுறை விடப்பட்டது. காவல்துறை தீவிரமாகப் பரிசோதித்ததில் , செய்தி வெறும் புரளி எனத் தெரியவந்தது.

பொய்யான தகவல்களின் தீவிரத்தையும், வேகத்தையும் குறைக்கும் பொருட்டு, காவல்துறையினர் வாட்ஸ் ஆப்பில் புரளியை மறுக்கும் செய்திகளை அனுப்பத் தொடங்கி உள்ளனர்.

இதன் மூலம் காவல்துறையினர், வெளியாகும் தகவலின் உண்மைத் தன்மையை, சம்பந்தப்பட்ட இடத்தில் இருக்கும் காவல் கட்டுப்பாட்டு அறையைத் தொடர்பு கொண்டு அறிகின்றனர். அதை அடிப்படையாகக் கொண்டு, பல்வேறு வாட்ஸ் ஆப் குழுக்களுக்குச் செய்திகளை அனுப்புகின்றனர்.

பாதுகாப்பு நடவடிக்கை

தெருக்களில் சந்தேகத்துக்குரிய வகையில் சுற்றிக் கொண்டிருக்கும் நபர்கள், காவல்துறையின் கேள்விகளுக்கு சரியான வகையில் பதிலளிக்கவில்லை எனும்போது அவர்கள் காவல் நிலையத்துக்கு எடுத்துச் செல்லப்படுகிறார்கள்.

இது குறித்து மூத்த காவல்துறை அதிகாரி பேசும்போது, “சந்தேகத்துக்கு உரிய நபர்கள், காவல் நிலையத்துக்கு அழைத்துச் செல்லப்பட இரண்டு காரணங்கள் இருக்கின்றன. ஒன்று குற்றங்களைத் தடுக்க, மற்றொன்று தீயவர்களுக்கு பயத்தை ஏற்படுத்த.

வேளச்சேரியில் இருக்கும் குடியிருப்புப் பகுதிகளுக்கு அருகில் சந்தேகத்துக்கிடமான வகையில் நிற்கும் நபர்களை அழைத்துக் கேள்விகள் கேட்கிறோம். சரியான பதில் வரவில்லை என்றாலோ, முன்னுக்குப் பின் முரணாக பதிலளித்தாலோ அவர்களை காவல் நிலையத்துக்கு அழைத்துச் சென்று விசாரிக்கிறோம். சரியான முறையில் பதிலளிக்கிறார் என்றால் அவரை அனுப்பி விடுகிறோம்.

இந்த முறை, பழைய குற்றவியல் வழக்குகளைத் தீர்க்கவும் உதவுகிறது” என்றார்

முத்துப்பேட்டை பகுதியில் ஆக்கிரமிப்புகளை உடனடியாக அகற்றி தர வேண்டும். நெடுஞ்சாலை துறைக்கு மனித நேய மக்கள் கட்சி கோரிக்கை.

    

     முத்துப்பேட்டை ஜன – 12
                    
  திருவாரூர் மாவட்டம், முத்துப்பேட்டை மனிதநேய மக்கள் கட்சி                              நகரச் செயலாளர்  முஹம்மது நியாஸ் நெடுஞ்சாலைத் துறைக்கு கோரிக்கை மனு ஒன்று அனுப்பி உள்ளார். அதில் அவர் கூறியிருப்பதாவது: 
தமிழகத்தின் முக்கிய சுற்றுலா நகரங்ளில் ஒன்றாக முத்துப்பேட்டை திகழ்கிறது. இங்கு கோவிலூர் மந்திரிரபுரீஸ்வரர் கோவில், தில்லைவிளாகம் ராமர் கோவில், ஜாம்புவானோடை தர்ஹா, அலையாத்தி காடுகள் என பல சுற்றுலாதளங்கள் உள்ளன. கடந்த இரண்டு ஆண்டுகளுக்கு முன் தமிழக அரசு அலையாத்தி காடுகளை சூழல் சுற்றுலாதளமாக அறிவித்து பணிகள் நடைபெற்று வருகிறது. முத்துப்பேட்டை நகருக்குள் அதிகளவில் வாகனப்போக்குவரத்துகள் இருந்து வருகிறது. குறிப்பாக அதிகளவில் மக்கள் வந்து செல்லும் பகுதியாக பழைய பேருந்து நிலையம், மன்னை சாலை, திருத்துறைப்பூண்டி சாலை, பட்டுக்கோட்டை சாலை போன்ற பகுதிகளில் காலை மற்றும் மாலை நேரங்களில் கடும் போக்குவரத்து நெரிசல் ஏற்படுகிது. பழைய பேருந்து நிலையத்தில் பேருந்துகள் ஒன்றன் பின் ஒன்றாக நிற்பதால் மற்ற வாகனங்கள் செல்ல முடியவில்லை. மேற்கண்ட பகுதிகளில்  சாலைகளில் ஆக்கிரமிப்புகள் பல ஆண்டுகளாக உள்ளது. இதனால் போக்குவரத்து நெரிசல் ஏற்பட்டு பொதுமக்கள் பெரும் அவதிக்குள்ளாகி வருகின்றனர். மேலும் செம்படவன்காடு ஈ.சி.ஆர் இணைப்புச்சாலை முதல் ஆலங்காடு ஈ.சி.ஆர் இணைப்புச்சாலை வரை அதாவது முத்துப்பேட்டை வழி பட்டுக்கோட்டை சாலை, முத்துப்பேட்டை வழி மயிலாடுதுறை சாலை பல ஆண்டுகளாக சாலையை பராமரிக்காததால், சாலையில் புழுதி மணல்கள் நிறைந்து சாலை மக்கள் பயன்படுத்த முடியாத அளவுக்கு உள்ளது. சாலைகளில் பேருந்துகள் மற்றும் மகிழுந்துகள் செல்லும்போது சாலைகளில் உள்ள புழுதி மணல் எழுப்பப்பட்டு இரு சக்கர வாகனங்களில் செல்வோரும், பாதசாரிகளும் நிலைதடுமாறும் அளவுக்கு உள்ளது. இதனால் மிகப்பெரிய மாசு ஏற்பட்டு ஆஸ்துமா மற்றும் சுவாசம் தொடர்பான நோய்கள் மற்றும் கண் எரிச்சல் ஏற்பட்டு இரு சக்கர வாகனங்களை ஓட்ட முடியாமலும் நிலைதடுமாறி பொது மக்கள் பெரும் அவதிக்குள்ளாகி வருகின்றனர். எனவே தற்போது பருவமழை பெய்துள்ளதால் சாலைகளில் மிகப்பெரிய பள்ளங்கள் ஏற்பட்டு வாகனங்களில் செல்வோர்கள் நிலைதடுமாறி சிறு சிறு விபத்துகளில் சிக்கி வருகின்றனர். பொதுமக்கள் மற்றும் வாகன ஓட்டிகள் நலன் கருதி மேற்கண்ட சாலைகளில் தண்ணீர் தேங்காமல் தரமான சாலை அமைத்தும், ஆக்கிரமிப்புகளை அகற்றி தருமாறும், சாலையோர நடைமேடை அமைத்து தர வேண்டும். இவ்வாறு தனது மனுவில் மனிதநேய மக்கள் கட்சி                              நகரச் செயலாளர்  முஹம்மது நியாஸ் குறிப்பிட்டுள்ளார்.

வெளிநாடுவாழ் தமிழக மக்களின் நலன்காக்க தனி அமைச்சகம் உருவாக்கப்பட வேண்டும்... மமக கோரிக்கை

வேலை நிமித்தமாகவும்,தொழில் நிமித்தமாகவும் வெளிநாடுகளுக்கு செல்லும் தமிழக மக்களுக்கு உதவிகளையும்,வழிக்காட்டல்களையும் வழங்கவும்,அவர்களின் நலன் காக்கும் நடவடிக்கைகளை மேற்கொள்ளவும் தனி அமைச்சகத்தை தமிழக அரசு தொடங்க வேண்டும் என்ற கோரிக்கையை வலியுறத்தி ம.ம.க சார்பு அமைப்பான மனிதநேய மக்கள் கலாச்சார பேரவை சார்பில் இன்று ஐக்கிய அரபு அமீரகத்தின் துபையில் மாபெரும் கையெழுத்து இயக்கத்தை ம.ம.க பொதுசெயலாளர் M.தமிமுன் அன்சாரி இன்று(10/01/2016)
தொடங்கி வைத்தார்.

வெளிநாடுவாழ் தமிழர்களுக்காக உருவாக்கப்பட்ட நலவாரியம் செயல்படாத நிலையில்,கேரள அரசைப்போல தனி அமைச்சகம் உருவாக்கப்பட்டால்தான் வெளிநாடுகளில் பணிபுரியும் லட்சக்கணக்கான தமிழக மக்கள் பயனடைவார்கள் என பொதுசெயலாளர் தமிமுன் அன்சாரி தொடக்க விழா நிகழ்ச்சியில் கூறினார்.

இக்கையெழுத்து இயக்கம் ஜனவரி 10 முதல் பிப்ரவரி 10 வரை ஒரு மாத காலம் நடைபெறும்.ஐக்கிய அரபு அமீரகத்தில் வாழும் அனைத்து தரப்பு தமிழக மக்களையும் சந்தித்து கையெழுத்து பெறுவது என்றும்,இதற்கு சமூக இனைய தளங்களில் பரப்புரை மேற்கொள்வது என்றும் முடிவு செய்யப்பட்டுள்ளது..

இந்நிகழ்ச்சியில் ம.ம.க மாநில அமைப்பு செயலாளர் ராசுதீன்,ம.ம.க பேரவையின் அமீரக மண்டல செயலாளர் மதுக்கூர் அப்துல் காதர்,அபுதாபி லால்பேட்டை ஜமாஅத் தலைவர் M.சுஹைபுதீன்,சமூக ஆர்வலர் P.சுல்தானுல் ஆரிப்,அமீரக மண்டல நிர்வாகிகள்,அபுதாபி மண்டல நிர்வாகிகள்,துபை மண்டல நிர்வாகிகள்,சார்ஜா மண்டல நிர்வாகிகள் மற்றும் செயல் வீரர்கள் கலந்துகொண்டனர்
-
ம.ம.க தலைமையகம்..

நன்றி:நீதியின் பக்கம் வாட்ஸ் அப் & பேஸ்புக்

நாச்சிகுளம் செய்திகள்

கடந்த வருடத்தில் 2 லட்சம் பேருக்கு பாஸ்போர்ட் கொடுத்த திருச்சி பாஸ்போர்ட் ஆபீஸ்

திருச்சி: திருச்சி மண்டல பாஸ்போர்ட் ஆபீஸ் கடந்த ஆண்டில் 2,06,724 பாஸ்போர்ட்களை வினியோகித்துள்ளது.
தமிழக மத்திய மண்டலத்தில் பாஸ்போர்ட் சேவையை விரைவுபடுத்தும் வகையில், 8 மாவட்டங்களுக்காக திருச்சியில் மண்டல பாஸ்போர்ட் சேவா கேந்திரம் அமைக்கப்பட்டது. சென்னை, திருச்சி தவிர, கோவை மற்றும் மதுரையிலும், மண்டல பாஸ்போர்ட் ஆபீஸ்கள் செயல்படுகின்றன.
திருச்சி அலுவலகத்திற்கு, கடந்த ஆண்டு 2,07,044 விண்ணப்பங்கள் வந்துள்ளன. அதில் 2,06,724 பேருக்கு பாஸ்போர்ட் அளிக்கப்பட்டுள்ளது.
இதன்மூலம், ரூ.30,38,81,522 கோடி வருவாய் கிடைத்துள்ளது. மயிலாடுதுரை மற்றும் பெரம்பலூர் நகரங்களில் கடந்த ஆண்டு இரு பாஸ்போர்ட் முகாம்கள் நடத்தப்பட்டுள்ளன. அப்போது 810 விண்ணப்பங்கள் பெறப்பட்டு, அதில் 78 பாஸ்போர்டுகள் வினியோகிக்கப்பட்டுள்ளன.
என்ற தகவலை அதிகாரிகள் தெறிவித்துள்ளனர்


நாச்சிகுளம் செய்திகள்

தமிழக அரசு வழங்கிய மிக்ஸி கிரைண்டர் பேனை வங்க மறுத்து திருப்பி அனுப்பி மக்களுக்கு தரமான கல்வி மற்றும் தரமான மருத்துவம் வழங்க கோரிக்கை

நாச்சிகுளம் உதயமார்தண்டபுரம் ஊராட்சியில் பொதுமக்களின் தகுதியுள்ள குடும்ப அட்டை அணைத்திற்கும்  தமிழக அரசின் விலையில்லா மிக்ஸி,கிரைண்டர் மற்றும் பேன் சமீபத்தில் வழங்கப்பட்டண பொதுமக்கள் அணைவரும் கிராம நிர்வாக அலுவலகத்திற்கு வந்து பெற்று சென்றனர் 

 நாச்சிகுளம் பகுதியை சேர்ந்த காங்கிரஸ் கட்சியின் முக்கிய பிரமுகர் தமிழக அரசின் விலையில்லா பொருட்களை வாங்க மறுத்து அரசுக்கு திருப்பி அனுப்பியதோடு மக்களுக்கு கல்வியையும் தரமான மருத்துவத்தையும் இலவசமாக வழங்குமாறு கோரிக்கை விடுத்துள்ளார் 

நாச்சிகுளம் ஜமாத்தை சேர்ந்த  ஜெ.தாஹிர் இவர் இந்திய தேசிய காங்கிரஸ் கமிட்டியின் திருவாரூர் மாவட்ட துனை தலைவராகவும் திருத்துறைபூண்டி சட்டமன்ற தொகுதி பொறுப்பாளராகவும் உள்ளார் இவருடைய குடும்ப அட்டைக்கு வழங்கப்பட்ட அரசின் விலையில்லா பொருட்களை அரசுக்கே திருப்பி அனுப்பும் விதமாகவும் அனைத்து மக்களுக்கும்  தரமான கல்வியையும் தரமான மருத்துவ வசதியையும் இலவசமாக அரசு வழங்க வேண்டும் என்ற கோரிக்க மனுவை வட்டாச்சியருக்கு அனுப்பியுளளார் 

இந்த பகுதியின் முக்கிய பிரமுகரான தாஹிர் நீண்ட நாட்களாக கருனை இல்லம் என்ற பெயரில் அறக்கட்டளை நடத்திவரும் இவர்  ராஜீவ் காந்தி பஞ்சாயத் ராஜ் சங்க தஞ்சை மண்டல ஒருங்கினைப்பாளராகவும் சமீபத்தில் நியமிக்கப்பட்டுள்ளது குறிப்பிடதக்கது 

இலவசமே விலையில்லா பொருளாக மாறி உள்ளதாகவும் அந்த இலசங்களை பெறுவதில் தனக்கு விருப்பமில்லை என்றும் ஆனால் மக்களின் முன்னேற்றதிற்கு தரமான இலவச கல்வியும் மக்களின் ஆரோக்கியத்திற்கு தரமான இலவச மருத்துவமும் அரசு வழங்க வேண்டும் என்று கூறியுள்ளார்

நாச்சிகுளம் செய்திகள்

ஜன.8 வங்கி ஊழியர்கள் போராட்டம்.. தொடர்ந்து 3 நாட்கள் வங்கி சேவை பாதிக்கும்..!

மும்பை: பாரத ஸ்டேட் வங்கியின் தொழில் முன்னேற்றத் திட்ட விதிமுறைகளை, இதன் 5 கிளை வங்கிளுக்கு அமலாக்கம் செய்யவதை எதிர்த்து ஜனவரி 8ஆம் தேதி (இன்று) வேலை நிறுத்தபோராட்டத்தில் பங்கேற்க வங்கி ஊழியர்களுக்கு அனைத்து இந்திய வங்கி ஊழியர்கள் சங்கம் (AIBEA) அழைப்பு விடுத்துள்ளது.
மத்திய அரசு வங்கிகளுக்கு மாதத்தில் 2வது மற்றும் 4வது சனிக்கிழமைகளில் விடுமுறை அளிக்கப்பட்ட நிலையில், 8 ஆம் தேதி வங்கி ஊழியர்களின் வேலை நிறுத்த போராட்டத்தின் மூலம் 3 நாள் தொடர்ந்து வங்கி சேவைகள் முடங்கும் அபாயம் ஏற்பட உள்ளது.
இந்நிலையில் தமிழ்நாட்டில் கூட்டுறவு வங்கிகள் வழக்கம்போல் செயல்படுவதாக அறிவிக்கப்பட்டுள்ளது.
பாரத ஸ்டேட் வங்கியின் தொழில் முன்னேற்றத் திட்டம் அதன் கிளைகளான ஸ்டேட் பாங்க் ஆஃ பிகானீர் மற்றும் ஜெய்ப்பூர், ஸ்டேட் பாங்க் ஆஃப் மைசூர், ஸ்டேட் பாங்க் ஆஃப் ஹைதெராபாத், ஸ்டேட் வங்கி திருவாங்கூர் மற்றும் ஸ்டேட் பாங்க் ஆஃ பாட்டியாலா ஆகிய வங்கிகளுக்கும் அமலாக்கம் செய்யப்படுவது குறித்துத் தலைமை தொழிலாளர் ஆணையரிடம் கடந்த வாரம் AIBEA அமைப்பின் எதிர்ப்புகளைத் தெரிவித்தது.
இதற்கான பேச்சுவார்த்தையில் தோல்வியைச் சந்தித்த நிலையில் இந்த வேலைநிறுத்த போராட்டம் AIBEA அமைப்பு அறிவித்துள்ளது.
எஸ்பிஐ வங்கியின் தொழில் முன்னேற்றத் திட்டத்தின் மூலம் தனது கிளை வங்கி ஊழியர்களுக்குக் கூடுதல் வேலைப் பளு, கூடுதல் வேலைநேரம், அவுட்சேர்சிங் பணிகளை எனப் பலவற்றில் பதிப்புகள் உள்ளதாக AIBEA அமைப்பு தெரிவித்துள்ளது.
இப்புதிய திட்டத்தை அமலாக்கம் செய்வதைத் தற்காலிகமாக நிறுத்தி வைக்கவும், கிளை வங்கிகளுக்கு இத்திட்ட செயல்முறையை மாற்றி வடிவமைக்கும் கோரிகைகளைத் தலைமை தொழிலாளர் ஆணையர் மறுத்துள்ள நிலையில் இப்போராட்டம் அறிவிக்கப்பட்டுள்ளது.
மேலும் பாரத ஸ்டேட் வங்கியின் தொழில் முன்னேற்றத் திட்டம் IBA மற்றும் AIBEA அமைப்புகள் கையெழுத்திட்ட ஒப்பந்தத்திற்கு எதிராக உள்ளதாகவும் AIBEA அமைப்பு தெரிவித்துள்ளது.

நாச்சிகுளம் செய்திகள்

வேலைவாய்ப்பு:- பெல் நிறுவனத்தில் பணியாற்ற அழைப்பு

சென்னை: பாரத் எலக்ட்ரானிக்ஸ் நிறுவனத்தில் (பெல்) என்ஜினீயரிங் அசிஸ்டெண்ட் டிரைனி உள்ளிட்ட பணியிடங்கள் காலியாக இருப்பதாக அறிவிக்கப்பட்டுள்ளது.

தகுதியும், திறமையும் வாய்ந்த நபர்களிடமிருந்து இந்தப் பணிக்கான விண்ணப்பங்கள் வரவேற்கப்படுகின்றன. இந்த விண்ணப்பங்களை ஜனவரி 23-ம் தேதிக்குள் அனுப்பித் தரவேண்டும்.
பாரத் எலக்ட்ரானிக்ஸ் நிறுவனமானது மத்திய பாதுகாப்புத்துறையின் கீழ் இயங்கி வருகிறது. பெல் நிறுவனத்துக்கு நாடு முழுவதும் 9 தொழிற்சாலைகள் உள்ளன. இந்திய பாதுகாப்புத் துறைக்குத் தேவையான நவீன எலக்ட்ரானிக்ஸ் கருவிகளை தயாரித்து அளிக்கிறது பெல்.
இந்த நிறுவனத்தில் என்ஜினீயரிங் அசிஸ்டெண்ட் டிரைனி பதவிக்கு 14 இடங்களும், டெக்னீஷியன் பிரிவில் 15 இடங்களும், கிளார்க் கம் கம்ப்யூட்டர் ஆப்பரேட்டர் பணிக்கு 3 இடங்களும் காலியாகவுள்ளன.
இந்தப் பணியிடங்களுக்கு தகுந்த ஆவணங்களுடன் தபால் மூலம் விண்ணப்பங்கலை ஜனவரி 23-ம் தேதிக்குள் அனுப்பவேண்டும். அனுப்ப வேண்டிய முகவரி: Deputy Manager (HR/Central), Bharat Electronics Limited, Jalahalli Post, Bengaluru 560 013.
இதற்கான விண்ணப்பக் கட்டணம் ரூ.300. பணியிடங்களுக்கான அட்மிட் கார்டுகள் பெல் இணையதளத்தில் வெளியிடப்படும்.
கூடுதல் விவரங்களுக்கு பெல் நிறுவனத்தின் அதிகாரப்பூர்வ இணையதளமான http://www.bel-india.com-ல் காணலாம்.


நாச்சிகுளம் செய்திகள்

கபரஸ்தான் இடத்தை மீட்டுத்தரக்கோரி கமிஷனரிடம் கோரிக்கை

சென்னை வேளச்சேரி_தரமணி நூறடிசாலையில் பிளாட் (எண் 39, வார்டு எண் 179,மண்டலம் 13,சர்வே எண் 150 ல் உள்ள)50 செண்ட் கொண்ட ருத்ரமயமான பூமி கடந்த 2000 ஆம் ஆண்டு முஸ்லிம் ஜமாத்தார்களுக்கு இறந்தவர் உடலை அடக்கம் செய்யும் அடக்கஸ்தலமாக ஒதுக்கப்பட்டது.சமூக விரோதிகள் சிலரின் எதிர்ப்பு மற்றும் ஆக்கிரமிப்பு காரணமாக அது பயன்படுத்த முடியாமல் போனது.

இதற்கிடையில் 22_05_2013 ல் மாநகராட்சி மூலம் மீண்டும் தீர்மானம் நிறைவேற்றப்பட்டு அந்த 50 செண்ட் இடம் முஸ்லிம் ஜமாத்தார்களுக்கே என மீண்டும் உறுதி செய்யப்பட்டது.மீண்டும் சமூக விரோதிகள் தொல்லைகளால் இறந்த முஸ்லிம்களின் உடல் அடக்கம் செய்யப்பட முடியாமல் போனது.

இதனால் ஜமாத்தார்கள் சமூக ஆர்வலர் கோட்டூர் ரபீக் அவர்கள் மூலம் சட்டரீதியான நடவடிக்கைகளை மேற்கொண்டனர்.அதன்படி இப்பிரச்சினை சென்னை உயர்நீதிமன்றத்திற்கு கொண்டு செல்லப்பட்டது.

கடந்த 18_12_15 அன்று நீதியரசர் T.S .சிவஞானம் அவர்கள் முன்னிலையில் வழக்கு விசாரணைக்கு வந்தது.அனைத்து ஆவணங்களையும் சரிபார்த்த பிறகு ஜமாத்தார்கள் சார்பில் மூத்த வழக்கறிஞர் திரு.a.r.l.சுந்தரேசன் அவர்கள் வாதாடினார்.

இறுதியில் தீர்ப்பளித்த சென்னை உயர்நீதிமன்றம் இடத்தை சுத்தம் செய்து, போலீஸ் பாதுகாப்புடன்  ஜமாத்திடம் ஒப்படைக்க வேண்டும் என தீர்ப்பளித்தது.

இந்த உத்தரவை செயல்படுத்துமாறு சென்னை மாநகர காவல்துறை ஆணையரை  கேட்டுக்கொள்வதற்காக ஜமாத்தினரின் வேண்டுகோளை ஏற்று #மனிதநேய_மக்கள்_கட்சியின் சார்பில் பொதுச்செயலாளர் M.#தமிமுன்_அன்சாரி,இந்திய யூனியன் முஸ்லிம் லீக் சார்பில் மாநில செயலாளர் நிஜாமுதீன்,இந்திய தேசிய லீக் சார்பில் பஷீர் அஹமது,சமூக ஆர்வலர் கோட்டூர் ரபீக் மற்றும் இப்ராகிம்மக்கி,முஜிபுர் ரஹ்மான் உமரி ஆகியோர் இன்று காவல்துறை ஆணையரை சந்தித்து சென்னை உயர்நீதிமன்ற தீர்ப்பை அமல்படுத்த உதவுமாறு கேட்டுக் கொண்டனர்.

சமுதாய கட்சிகளான #மனிதநேய_மக்கள்_கட்சி,இந்திய யூனியன் முஸ்லிம் லீக்,இந்திய தேசிய லீக் மூன்று கட்சிகளும் இணைந்து இந்த விசயத்தில் காவல்துறை ஆணையரை  சந்தித்திருப்பது பொதுமக்களால் பாராட்டப்படுகிறது.

குறிப்பு:

இந்த அடக்கஸ்தலத்தை சார்ந்து அடையாறு முதல் வேளச்சேரி வரை 50 ஆயிரம் முஸ்லிம்கள் வாழ்கிறார்கள்.

என்எல்சி-யில் வேலைவாய்ப்பு !

      சென்னை: நெய்வேலி லிக்னைட் கார்ப்பொரேஷன் நிறுவனத்தில்(என்எல்சி) 100 கிராஜுவேட் எக்ஸிகியூட்டிவ் டிரைனி பணியிடங்களுக்கு விண்ணப்பங்கள் வரவேற்கப்பட்டுள்ளன.
தகுதியும், திறமையும் வாய்ந்த நபர்கள் இந்தப் பணியிடங்களுக்கு ஜனவரி 22-ம் தேதிக்குள் விண்ணப்பிக்கலாம்.
மெக்கானிக்கல், எலக்ட்ரிக்கல், எலக்ட்ரானிக்ஸ், சிவில், கன்ட்ரோ அண்ட் இன்ட்ஸ்ருமென்டேஷன், மைனிங், கம்ப்யூட்டர் பிரிவில் இந்த பணியிடங்கள் நிரப்பப்படும். இந்தப் பணியிடங்களுக்கு கேட் தேர்வில் வெற்றி பெற்றிருக்கவேண்டும்.
ஆன்-லைனில் விண்ணப்பங்களை அனுபப்பவேண்டும். ஆன்-லைனில் விண்ணப்பித்த பின்னர் The General Manager (Hr), Recruitment Cell, Human Resource Department, Neyveli Lignite Corporation Limited, Corporate Office, Block-1, Neyveli - 607801, Tamilnadu. என்ற முகவரிக்கு விண்ணப்பங்களை அனுப்பவேண்டும்.
மேலும் விவரங்களுக்கு என்எல்சி-யின் இணையதளமான https://www.nlcindia.com/-ல் தொடர்புகொள்ளலாம்


நாச்சிகுளம் செய்திகள்

மறக்கப்பட்ட சுதந்திரப்போராட்ட வீரர் அமீர்ஹம்ஸா !

நேதாஜி சுபாஷ் சந்திரபோஸின் நெருங்கிய நண்பரும் , அவர் கட்டமைத்த இந்திய தேசிய ராணுவத்தின் (INA) வீரர்களில் ஒருவருமான தியாகி அமீர் ஹம்ஸா அவர்கள் நேற்று இரவு காலமாகி , இன்று 4:30 மணிக்கு அவரது உடல் நல்லடக்கம் செய்யப்பட்டிருக்கிறது .

ராமநாதபுரம் மாவட்டம் அபிராமம் கிராமத்திலிருந்து பர்மாவுக்கு சென்று வணிகம் செய்த குடும்பத்தில் பிறந்தவர் . இளம் வயதில் ரங்கூன் வீதிகளில் வலம் வந்தவர் . நேதாஜி ஆங்கிலேயர்களுக்கு எதிராக நடத்திய கிளர்ச்சியால் ஈர்க்கப்பட்டார் .

ஐரோப்பாவிலிருந்து ரகசிய நீர்மூழ்கி கப்பலில் சிங்கப்பூருக்கு வந்திறங்கிய நேதாஜி , அங்கு இந்திய தேசிய ராணுவத்தை உருவாக்கினார் . பிறகு தாய்லாந்து வழியாக பர்மா தலைநகர் ரங்கூனுக்கு வந்து சேர்ந்தார் . 

அப்போது பர்மா வாழ் தமிழர்கள் அவரை வரவேற்று மகிழ்ந்தனர் . அலை , அலையாய் அவரது இந்திய தேசிய ராணுவத்தில் இணைந்தனர் . 

அப்போது ராணுவ நிதி வசூலிப்பில் நேதாஜி தீவிரமாக இறங்கினார் . நேதாஜிக்கு கொடுக்கப்பட்ட அன்பளிப்புகள் ஏலம் விடப்பட்டன . அப்போது நேதாஜிக்கு விழுந்த மாலையை ராணுவ நிதிக்காக 2 லட்சம் ரூபாய்க்கு அமீர் ஹம்ஸா ஏலம் எடுத்தார் . அக்காலத்தில் 2 லட்சம் ரூபாய் எனில் இப்போது அது 10 கோடியாக மதிப்பிடலாம் . 

இதனால் நேதாஜியின் தனிப்பட்ட அன்புக்கு உள்ளானார் . INA படையில் இணைந்து மணிப்பூர் எல்லையில் ஆங்கிலேயர்களுக்கு எதிராக போராடினார். இரண்டாம் உலகப்போர் முடிவுக்கு வந்ததும் , நேதாஜி மர்மமான முறையில் காணாமல் போனார் . INA படையின் போராட்டமும் முடிவுக்கு வந்தது . 

ஆங்கிலேயர்களினால் கைது செய்யப்பட்ட அமீர் ஹம்ஸாவுக்கு தூக்கு தண்டணை விதிக்கப்பட்டது . காந்தி , ஜின்னா , நேரு ஆகியோரின் முயற்சியால் இவருக்கு விதிக்கப்பட்ட தூக்கு தண்டனை ரத்து செய்யப்பட்டது . 

நாட்டுக்காக போராடிய இவரது சொத்துக்களும் , வணிகமும் இல்லாமல் போனது . பிறகு சென்னையில் குடியேறியவர் வறுமையோடு வாழ்ந்துக் கொண்டிருந்தார் . 

இவரைப் பற்றி கேள்விபட்டு 15 ஆண்டுகளுக்கு முன்னால் வட சென்னையில் உள்ள எளிமையான அவர் வீட்டுக்குச் சென்று உணர்வு பத்திரிக்கைக்காக சிறப்பு பேட்டி எடுத்தேன் . அதன் பிறகுதான் இப்படியொரு தியாகி இருப்பது சமுதாயத்திற்கு தெரிய வந்தது .

அதன்பிறகு நான்கு அல்லது ஐந்து முறை அவரை சந்தித்துள்ளேன் . ஒவ்வொரு முறையும் பர்மாவை பற்றியும் , விடுதலைப் போராட்ட நினைவுகள் குறித்தும் உற்சாகமாக பேசுவார் . 

நேதாஜியை பற்றி கூறும்போதெல்லாம் உணர்ச்சி வசப்படுவார் . அவரைப் பற்றிய பல அபூர்வ செய்திகளை கூறுவார் . அதில் ஒன்று ஜின்னா அவர்கள் நேதாஜிக்கு எழுதிய வரலாற்று சிறப்பு மிக்க கடிதமாகும் . “ நேதாஜி அவர்களே … உங்கள் தலைமையில் இந்தியா விடுதலை பெறுமேயானால் … நான் தனிநாடு கோரிக்கையை கைவிடுவேன் “ என்று ஜின்னா எழுதியிருந்ததை அமீர் ஹம்ஸா அவர்கள் என்னிடம் கூறினார் . 

பர்மாவில் நகைக்கடை வைத்திருந்த அவர் நாட்டு விடுதலைக்காக எல்லாவற்றையும் இழந்து தியாகி பென்ஷனுடன் வாழ வேண்டிய நிலைக்கு ஆளானார் . அவரது உறவினர்கள் சாதாரணமாகவே வாழ்கின்றனர் . 

சுதந்திரத்தின் பலன் மக்களுக்கு போய் சேராமல் , சுரண்டல்வாதிகளின் கைகளுக்கு போய்விட்டதே என வருந்தினார் . 

தியாகிகளுக்கு ஒதுக்கப்படும் அரசு உரிமைகளுக்காக பல அரசியல் தலைவர்களின் வீடுகளில் ஏறி இறங்கியதுதான் மிச்சம் .

நாட்டைக் காட்டிக் கொடுத்தவர்களும் , நாட்டை சுரண்டிக் கொண்டிருப்பவர்களும் நிறைந்த சூழலில் , அவரது மரணம் கூட கண்டுக் கொள்ளப்படவில்லை . 

நாட்டுக்காக போராடிய அந்த தியாகிக்கு அரசு மரியாதை அல்லவா கொடுக்கப்பட்டிருக்க வேண்டும் ?

இறைவனிடம் சென்றிருக்கும் தியாகி அமீர் ஹம்ஸா அவர்களே …
 உங்கள் வரலாற்றை பேரப்பிள்ளைகள் நாங்கள் முன்னெடுப்போம் !
 உங்கள் தியாகத்தை தேசப்பற்றோடு பரப்புரை செய்வோம் !

M.தமிமுன் அன்சாரி 
பொதுச் செயலாளர்
மனிதநேய மக்கள் கட்சி

முத்துப்பேட்டை பத்திரிக்கையாளர் சங்க அலுவலகத்திற்கு மமக பொதுச்செயலாளர் வருகை!

முத்துப்பேட்டை யில் புதிதாக திறக்கப்பட்டிருக்கும் பத்திரிக்கையாளர் சங்க புதிய அலுவலகத்திற்கு மமக பொதுச்செயலாளர் #தமிமுன்_அன்சாரி வருகை தந்தார்.

அவருடன் மாநில துணை அமைப்புச் செயலாளர் நாச்சிக்குளம்.தாஜுதீன், தலைமை செயற்குழு உறுப்பினர் தோப்புத்துறை H.சேக் அப்துல்லாஹ் ஆகியோரும் வருகை தந்தனர். அப்போது பத்திரிகை யாளர்களும்,பல்வேறு கட்சிகளை சார்ந்த நண்பர்களும் அவரை வரவேற்றனர்.

முதுபெரும் இடதுசாரி தலைவர் A.P.பரதன் மறைவு - மனிதநேய மக்கள் கட்சி இரங்கல்! (மமக பொதுச்செயலாளர் M.தமிமுன் அன்சாரி வெளியிடும் பத்திரிகை அறிக்கை)

சுதந்திர போராட்ட வீரரும், இந்திய கம்யூனிஸ்ட் கட்சியின் பொதுச் செயலாளராக பணியாற்றியவருமான மூத்த இடதுசாரி தலைவர் A.P.பரதன் அவர்கள் காலமானர் என்ற செய்தி வருத்தம் அளிக்கிறது.நாடு ஒரு நல்ல தலைவரை இழந்திருக்கிறது.

ஒன்றுபட்ட இந்தியாவின் வங்க மாநிலத்தில் பிறந்த இவரது வாழ்க்கை, மஹாராஷ்டிராவில் தான் வளர்ந்தது. இவர் நாக்பூர் பல்கலைக்கழகத்தில் இடதுசாரி மாணவராக உருவெடுத்தார். அப்போது நடைபெற்ற பல்கலைக்கழக மாணவர் தேர்தலில் போட்டியிட்டு V.C.ஷுக்லாவை தோற்கடித்தார். இவரிடம் தோற்ற V.C.ஷூக்லா தான் பின்னாளில் மஹாராஷ்டிரா மாநிலத்தின் முதல்வனார்.

மாணவர் அரசியலில் தீவிரமாக பணியாற்றிய இவர் இந்திய கம்யூனிஸ்ட் கட்சியின் சார்பு அமைப்பான அகில இந்திய மாணவர் பேரவையின்(AISF) தேசிய செயலாளராகவும் பணியாற்றினார்.

தொழிற்சங்கவாதியாகவும், உழைக்கும் மக்களின் போரளியாகவும் பொது வாழ்க்கையை நகர்த்தியவர், வாழ்வின் எந்த காலகட்டத்திலும் கொள்கைக்காக சமரசம் செய்துக்கொள்ளாதவர். இந்திய கம்யூனிஸ்ட் கட்சியின் சார்பு தொழிற்சங்க பிரிவான AITUC-யின் அகில இந்திய பொதுச் செயலாளராக பணியாற்றிய போது தொழிலாளர்களுக்காக வலிமை மிக்க போராட்டங்களை முன்னெடுத்தார். தொழிலாளர்கள், பின்தங்கிய மக்கள், சிறுபான்மையினர் ஆகியோருக்காக வாழ்நாள் முழுவதும் போராடினார்.

RSS அமைப்பின் தலைமையகம் செயல்படும் நாக்பூரில் வளர்ந்த காரணத்தினாலோ : என்னவோ, மதவெறி சக்திகளுக்கு எதிராக தீவிரமாக இயங்கினார். இடஒதுக்கீட்டை செயல்படுத்துவதிலும், அது குறித்த விவாதங்களை எழுப்புவதிலும் அக்கறை காட்டினார். இவர் நாடாளுமன்றதுக்கு சென்றிருந்தால், பல திருப்புமுனைகளை ஏற்படுத்திருப்பார்.
  
எனினும் மராட்டிய சட்டமன்ற உறுப்பினராக பணியாற்றிய காலத்தில் அவர் முன்வைத்த வாதங்கள் அனைத்தும் ஆவணங்களாகும்.

நான் டில்லி செல்லும் தருணங்களில், அவரை இரண்டு முறை சந்தித்து உரையாடும் வாய்ப்பு கிடைத்தது. அப்பொழுது சச்சார் கமிட்டி   பரிந்துரைகள் குறித்தும் , நாடு முழுக்க விசாரனையின்றி சிறையில் வாடும் அப்பாவி முஸ்லிம்களின் நிலை குறித்தும் அவருடன் உரையாடிய நினைவுகள் மறக்க முடியாதவை. 

இந்திய கம்யூனிஸ்ட் கட்சியின் தலைவராக பணியாற்றிய இந்திரஜித் குப்தாவின் வழியில் 1996 முதல் 2008 வரை பன்னிரண்டு ஆண்டு காலம் கட்சியை வழிநடத்திய அவரது இழப்பு இடதுசாரி தோழர்களுக்கு ஈடுசெய்ய முடியாதது ஆகும். அவரது இழப்பில் வாடும் அனைவருக்கும்  மனிதநேய மக்கள் கட்சியின் சார்பில் ஆழ்ந்த இரங்கலையும், வருத்தத்தையும் தெரிவித்துக்கொள்கிறேன்.


இவண்

M.தமிமுன் அன்சாரி,
பொதுச் செயலாளர்,
மனிதநேய மக்கள் கட்சி.
03-01-2015

வருமானத்துக்கு அதிகமாக சொத்துக் குவித்து தமிழ் சினிமாவில் முதலீடு செய்த வருமான வரி அதிகாரி

சென்னை: வருமானத்துக்கு அதிகமாக சொத்துக்களைக் குவித்து, கோடிக்கணக்கான ரூபாயை தமிழ் சினிமாவில் முதலீடு செய்துள்ளார் வருமான வரி ஆணையர் கிருஷ்ணசாமி.

நேற்று அவரது வீடுகளில் சிபிஐ நடத்திய அதிரடி சோதனையில் இந்த உண்மை தெரியவந்துள்ளது.

வருமானத்திற்கும் அதிகமாக சொத்து சேர்த்துள்ளதாக புகார் எழுந்ததையடுத்து, சென்னை மண்டல வருமாய் வரித்துறை ஆணையர் கிருஷ்ணசாமியின் சென்னை மற்றும் பழநி அருகேயுள்ள ஆயக்குடி உள்ளிட்ட அவரது வீடுகள் உள்ளிட்ட 14 இடங்களில் சோதனை நடத்தப்பட்டது.

வீட்டில் இருந்து ஒன்றரை கிலோ தங்கம் கைப்பற்றப்பட்டது. அத்துடன் ஆயக்குடி என்ற பெயரில் அவர் நடத்தி வந்த நிறுவனங்களிலும் சோதனையில் சில ஆவணங்கள் கைப்பற்றப்பட்டன.

இதில் கிருஷ்ணசாமி தமிழ் திரையுலகில் கோடிக்கணக்கான ரூபாயை முதலீடு செய்திருப்பது தெரிய வந்துள்ளதாகவும் வருமானத்திற்கு அதிகமாக 6.1 கோடி ரூபாய் அவர் சொத்து சேர்த்திருப்பதாகவும் சி.பி.ஐ அதிகாரிகள் தெரிவித்துள்ளனர்.

Source: tamil.oneindia.com